അഭിമന്യുവിന്റെ കൊലക്കു കാരണം മുന് വൈരാഗ്യമെന്ന് പ്രതികളുടെ കുറ്റസമ്മതം
ആലപ്പുഴ: വള്ളിക്കുന്നത്ത് പതിനഞ്ചുകാരന് അഭ്യുമന്യുവിന്റെ കൊലക്കു കാരണം മുന് വൈരാഗ്യമെന്ന് അറസ്റ്റിലായപ്രതികള്. സജയ്ജിത്ത് ഷിഷ്ണു തമ്പി എന്നിവരാണ് പൊലിസിന് ഇതുസംബന്ധിച്ച് കുറ്റസമ്മതം നടത്തിയത്. ഇവരുടെ അറസ്റ്റ് രേഖപ്പെടുത്തി. വള്ളിക്കുന്നം സ്വദേശിയായ വിഷ്ണുതമ്പി എറണാകുളത്ത് നിന്നാണ് പിടിയിലായത്. കഴിഞ്ഞദിവസം രാവിലെ മുഖ്യപ്രതി സഞ്ജയ് ജിത്ത് പൊലിസില് കീഴടങ്ങിയിരുന്നു. കേസില് സജയ് ജിത്ത് ഉള്പ്പടെ അഞ്ച് പേര് പ്രതികളാണെന്നാണ് പൊലിസ് പറയുന്നത്.
ബുധനാഴ്ച പടയണിവട്ടം ക്ഷേത്രത്തില് നടന്ന വിഷു ഉത്സവത്തിനിടെ രാത്രി പത്ത് മണിയോടെയാണ് അഭിമന്യുവിനെ കുത്തിക്കൊലപ്പെടുത്തുന്നത്. നേരത്തെ മറ്റൊരു ക്ഷേത്രത്തിലെ ഉത്സവത്തിനിടെ തര്ക്കങ്ങളുണ്ടായതില് അഭിമന്യുവിന്റെ സഹോദരന് ഉള്പ്പെട്ടിരുന്നു. ഇതേത്തുടര്ന്ന് കഴിഞ്ഞ ദിവസം പടയണിവട്ടം ക്ഷേത്രത്തില് വെച്ച് അക്രമമുണ്ടായത്. പിടിയിലായ പ്രതികള് ആര്.എസ്.എസ് പ്രവര്ത്തകരാണ്. അതിനാല് തന്നെ ആര്.എസ്.എസ് ആസൂത്രണം ചെയ്ത് നടപ്പാക്കിയകൊലപാതകമാണെന്നാണ്സി.പി.എം ആരോപിക്കുന്നത്.