കേരള മീഡിയ അക്കാദമി പി.ജി. ഡിപ്ലോമ പരീക്ഷാഫലം പ്രഖ്യാപിച്ചു

News Desk

14 November 2025 01:00 AM

കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്മ്യൂണിക്കേഷൻ 2024-25 ബാച്ച് പിജി ഡിപ്ലോമ പരീക്ഷകളുടെ ഫലം പ്രസിദ്ധീകരിച്ചു. ജേണലിസം ആൻഡ് കമ്മ്യൂണിക്കേഷൻ വിഭാഗത്തിൽ കൃഷ്ണ പി.എം. ഒന്നാം റാങ്കും നന്ദന ലക്ഷ്മി എം. രണ്ടാം റാങ്കും നേഹ ഡി. പി. മൂന്നാം റാങ്കും കരസ്ഥമാക്കി. അങ്കമാലി പുളിയനം പഴവൂർ വീട്ടിൽ പി. ആർ. മനോഹറിന്റേയും സരിത നാരായണന്റേയും മകളാണ് ഒന്നാം റാങ്ക് നേടിയ കൃഷ്ണ പി. എം. രണ്ടാം റാങ്ക് നേടിയ നന്ദന ലക്ഷ്മി എം. ആലപ്പുഴ ചേർത്തല കുത്തിയതോട് നാരായണ മന്ദിരത്തിൽ വി. അജിത്തിന്റേയും മിഷ രാഘവന്റേയും മകളാണ്. കോഴിക്കോട് കൊയിലാണ്ടി അരിക്കുളം കുനിക്കാട്ടിൽ മീതൽ ഹൗസിൽ കെ. എം. പ്രേമചന്ദ്രൻയും സി. കെ. ദീപയുടേയും മകളാണ് മൂന്നാം റാങ്ക് നേടിയ നേഹ ഡി. പി.

ടെലിവിഷൻ ജേണലിസം വിഭാഗത്തിൽ സാന്ദ്ര യേശുദാസ്, ഗോപിക എം, വർഷ കെ. ആർ. എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി. ചേർത്തല പള്ളിത്തോട് പുതിയപറമ്പിൽ വീട്ടിൽ പി. ജെ. യേശുദാസിന്റേയും അൽഫോൺസ യേശുദാസിന്റേയും മകളാണ് ഒന്നാം റാങ്ക് നേടിയ സാന്ദ്ര യേശുദാസ്. രണ്ടാം റാങ്ക് നേടിയ ഗോപിക എം. പാലക്കാട് മേഴത്തൂർ മാമ്പുള്ളി വളപ്പിൽ ഇ. ടി. അരവിന്ദാക്ഷന്റേയും സുജാതയുടേയും മകളാണ്. ആലുവ തോട്ടുമുഖം കുന്നശേരി കെ. എം. രമണന്റേയും വൽസയുടേയും മകൾ കെ. ആർ. വർഷയ്ക്കാണ് മൂന്നാം റാങ്ക്.

പബ്ലിക് റിലേഷൻസ് ആൻഡ് അഡ്വർടൈസിങ് വിഭാഗത്തിൽ സാന്ദ്ര മരിയ സാജൻ ഒന്നാം റാങ്കും പ്രശാന്തി പ്രകാശ് രണ്ടാം റാങ്കും പ്രതീക്ഷ ആർ. മൂന്നാം റാങ്കും നേടി. എറണാകുളം കടവന്ത്രയിൽ പടിക്കപ്പറമ്പിൽ സാജൻ ജോണിയുടേയും ജോളി സാജന്റേയും മകളാണ് ഒന്നാം റാങ്ക് നേടിയ സാന്ദ്ര മരിയ സാജൻ. രണ്ടാം റാങ്ക് നേടിയ പ്രശാന്തി പ്രകാശ് കൊല്ലം കൂരിപ്പുഴ പാലക്കാട്ട് കിഴക്കതിൽ പ്രകാശൻ പിള്ളയുടേയും ഉഷാകുമാരിയുടേയും മകളാണ്. കൊല്ലം കുരീപ്പുഴ വാഴങ്ങൽ കിഴക്കതിൽ പി. പ്രകാശിന്റേയും രാജേശ്വരിയുടേയും മകളാണ് മൂന്നാം റാങ്ക് നേടിയ പ്രതീക്ഷ ആർ. പരീക്ഷാഫലം www.kma.ac.in ൽ പ്രസിദ്ധീകരിച്ചിട്ടുണ്ട്.