news entertainment

"ലെവൽ ക്രോസ്"  ഇന്ത്യൻ പനോരമയിലേക്ക്

News Desk

25 October 2024 09:35 PM

ആസിഫ് അലി നായകനായി അമല പോളും ഷറഫുദ്ദീനും പ്രധാന വേഷങ്ങളിൽ എത്തിയ " ലെവൽ ക്രോസ് " ഇന്ത്യൻ പനോരമയിലെ മത്സര ചിത്രങ്ങളിലേക്ക് തിരഞ്ഞെടുക്കപ്പെട്ടു. IFFI 2024 ൽ 650 ഓളം ചിത്രങ്ങളിൽ നിന്നാണ് ലെവൽ ക്രോസ് തെരഞ്ഞെടുക്കപ്പെട്ടത്.

മൂന്നു മലയാള ചിത്രങ്ങളാണ് ഇന്ത്യൻ പനോരമയിലേക്ക് ഔദ്യോഗികമായി തിരഞ്ഞെടുക്കപ്പെട്ടത്. ചിത്രത്തിന്റെ സംവിധാന മികവുകൊണ്ടും അവതരണ രീതിയിലെ പ്രത്യേകത കൊണ്ടും അതിലുപരി ആസിഫ് അലി,അമലാപോൾ, ഷറഫുദ്ദീൻ എന്നീ താരങ്ങളുടെ വേറിട്ട അഭിനയം കൊണ്ടും ചിത്രം ശ്രദ്ധ നേടിയിരുന്നു.

റെക്കോർഡ് തുകയ്ക്കാണ് ചിത്രം ആമസോൺ ഏറ്റെടുത്തത്. അഭിഷേക് ഫിലിംസിന്റെ ബാനറിൽ രമേഷ് പി പിള്ള നിർമ്മിച്ച് ജിത്തു ജോസഫ് അവതരിപ്പിച്ച ചിത്രം സംവിധാനം ചെയ്തത് ജിത്തു ജോസഫിന്റെ പ്രധാന ശിഷ്യനായ അർഫാസ് അയൂബാണ്.

Related News