ആരോഗ്യ സര്വകലാശാല പരീക്ഷകള് ഈ മാസം 21 മുതല്
തിരുവനന്തപുരം: ആരോഗ്യ സര്വകലാശാല പരീക്ഷകള് ഈ മാസം 21മുതല് നടത്താന് തീരുമാനം. പരീക്ഷ നടത്തിപ്പ് സംബന്ധിച്ച മാര്ഗ നിര്ദേശം ഇറങ്ങി.
അവസാന വര്ഷ എംബിബിഎസ് അടക്കം ഉള്ള പരീക്ഷകളാണ് നടത്താന് തീരുമാനിച്ചത്. വിദ്യാര്ത്ഥികള്ക്ക് കൊവിഡ് ആന്റിജന് പരിശോധന നിര്ബന്ധമാണ്. പോസിറ്റീവ് ആയവര്ക്ക് പ്രത്യകം മുറിയില് പരീക്ഷ എഴുതാം.
ഇവരുടെ പ്രാക്ടിക്കല് പരീക്ഷ പിന്നീട് നടത്തും. ഹോസ്റ്റലില് എത്തേണ്ടവര് നേരത്തെ ആന്റിജന് പരിശോധന നടത്തണം. ജൂലൈ ഒന്നിന് ശേഷം കോളേജ് തുറക്കുന്നത് ആലോചിക്കും. കോളേജ് തുറന്നാലും തിയറി ക്ലാസ് ഓണ് ലൈന് വഴി തന്നെ നടക്കും.