മജിസിയക്ക് സ്വന്തം കാര്യത്തിൽ മറവി രോഗമോ? രമ്യ പുറത്തേക്ക്.
എപ്പിസോഡ് 36.
ഈ ആഴ്ചയിൽ ബിഗ്ബോസ് വീട്ടിൽ നിന്ന് രമ്യ പുറത്തായി. മോഹൻലാലിന് വില കൽപ്പിക്കാത്ത മജിസിയ അടുത്ത ആഴ്ച നോമിനേഷനിൽ ഏറ്റവും കൂടുതൽ വോട്ട് നേടാവുന്ന താരമായി മാറും എന്ന് പ്രതീക്ഷിക്കാം.. താൻ കഴിഞ്ഞ ആഴ്ച ചെയ്ത ഒരു കാര്യങ്ങളും മോഹൻലാലിൻ്റെ മുൻപിൽ "ചെയ്തിട്ടില്ല, ഓർമ്മയില്ല" എന്നൊക്കെ പറഞ്ഞാണ് മജിസിയ ഒഴിവായത്. സോഷ്യൽ മീഡിയയിൽ ഇത് പുതിയൊരു ചർച്ചയ്ക്ക് വഴിവെച്ചിരിക്കുകയാണ്.
അതിനിടയിൽ ഡിംപൽ-സായി പ്രശ്നം മറ്റൊരു തലത്തിലേക്ക് കടക്കുകയുണ്ടായി. സായിക്ക് നേരെ കഴിഞ്ഞ ദിവസങ്ങളിൽ ഡിംപൽ പറഞ്ഞ വാക്കുകൾ സോഷ്യൽ മീഡിയയിൽ ഏറെ ചർച്ച ചെയ്യപ്പെട്ടിരുന്നു. വ്യക്തിപരമായി ആരെയും അവഹേളിക്കരുത് എന്ന ഉപദേശം നൽകി മോഹൻലാൽ വിഷയം അവസാനിപ്പിച്ചിരുന്നു. എന്നാൽ, ബിഗ് ബോസിനെ ചലഞ്ച് ചെയ്തത് ലാലേട്ടൻ എടുത്തു ചോദിക്കുകയും, ഇനി ആവർത്തിക്കരുത് എന്ന് കർശന നിർദ്ദേശം നൽകുകയും ചെയ്തു.
കാറ്റുപോയ ബലൂണിനെ പോലെയായിരുന്നു ഇന്നലെ ഫിറോസ്ഖാൻ ഇരുന്നത്. മോഹൻലാൽ വാണിംഗ് നൽകിയത് ഫിറോസ്ഖാൻ മനസ്സിലാക്കി എന്ന് തോന്നുന്നു. മോഹൻലാൽ നടത്തിയ ടാസ്കിൽ അഡോണിയും മണിക്കുട്ടനും ശക്തരായ മത്സരാർത്ഥികൾ എന്ന് മറ്റുള്ളവർ അറിയിക്കുകയുണ്ടായി. ഡിംപലും സൂര്യയും ആയിരുന്നു ഏറ്റവും മോശം മോശം മത്സരാർത്ഥികൾ.
ഇന്നലെ മുതൽ വീടിൻ്റേ ക്യാപ്റ്റനായി കിടിലം ഫിറോസ് ചുമതലയേറ്റു. അതിനിടയിൽ നോബി മജിസിയയോടും, ഡിംപലുനോടും അടുക്കള വിഷയത്തെപ്പറ്റി പറയാതെ പറഞ്ഞത് പ്രതികരിച്ചത് മറ്റൊരു തലത്തിൽ ചർച്ചയായി. എന്നിരുന്നാലും അടുത്തയാഴ്ച മുതൽ കളിയുടെ ഗതി മാറും എന്ന് നിസ്സംശയം പറയാൻ സാധിക്കും.