വോര്ക്കാടി കുടുംബാരോഗ്യ കേന്ദ്രത്തിന്റെ പുതിയ കെട്ടിടം ഉദ്ഘാടനം ചെയ്തു
വോര്‍ക്കാടി ഗ്രാമ പഞ്ചായത്തിലെ വോര്‍ക്കാടി കുടുംബാരോഗ്യകേന്ദ്രത്തിന്റെ പുതിയ കെട്ടിടം എ.കെ.എം അഷ്റഫ് എം.എല്‍.എ ഉദ്ഘാടനം ചെയ്തു. കാസര്‍കോട് വികസന പാക്കേജ് അനുവദിച്ച 1.10 കോട…
വോര്ക്കാടി ഗ്രാമ പഞ്ചായത്തിലെ വോര്ക്കാടി കുടുംബാരോഗ്യകേന്ദ്രത്തിന്റെ പുതിയ കെട്ടിടം എ.കെ.എം അഷ്റഫ് എം.എല്.എ ഉദ്ഘാടനം ചെയ്തു. കാസര്കോട് വികസന പാക്കേജ് അനുവദിച്ച 1.10 കോടി രൂപയും എം.എൽ.എ ഫണ്ടിൽ നിന്ന് 50 ലക്ഷവും പഞ്ചായത്ത് ഫണ്ടിൽ നിന്നും 5 ലക്ഷവും ചെലവഴിച്ചിട്ടാണ് പുതിയ കെട്ടിടം നിര്മ്മിച്ചിട്ടുള്ളത്.
കോണ്ഫറന്സ് ഹാളിന്റെ ഉദ്ഘാടനം മഞ്ചേശ്വരം ബ്ലോക്ക് പഞ്ചായത്ത് പ്രസിഡന്റ് ഷമീന ടീച്ചര് നിര്വ്വഹിച്ചു. വോര്ക്കാടി ഗ്രാമപഞ്ചായത്ത് പ്രസിഡന്റ് എസ്. ഭാരതി അധ്യക്ഷത വഹിച്ചു. മീഞ്ച ഗ്രാമ പഞ്ചായത്ത് പ്രസിഡന്റ് സുന്ദരി ആര്.ഷെട്ടി, ജില്ലാ പഞ്ചായത്ത് അംഗം കമലാക്ഷി, വോര്ക്കാടി ഗ്രാമ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ഗീതാ വി. സമാനി, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്പേഴ്സണ് മമതാ ഷെട്ടി, ക്ഷേമകാര്യ സ്റ്റാന്റിംഗ് കമ്മിറ്റി ചെയര്മാന് രാജ്കുമാര് ഷെട്ടി എന്നിവര് സംസാരിച്ചു. വോര്ക്കാടി ഗ്രാമ പഞ്ചായത്ത് സെക്രട്ടറി അബൂബക്കര് സിദ്ദീഖ് പാടി സ്വാഗതവും വോര്ക്കാടി കുടുംബാരോഗ്യ കേന്ദ്രം മെഡിക്കല് ഓഫീസര് ഡോ. ഷൈന നന്ദിയും പറഞ്ഞു.
