കേരളത്തിൽ  ജൂൺ 25ന്  രാജ്യസഭാ തെരഞ്ഞെടുപ്പ്

സംസ്ഥാനത്ത് രാജ്യസഭാ തെരഞ്ഞെടുപ്പ് ജൂൺ 25നു നടക്കും. മൂന്ന് സീറ്റുകളിലേക്കുള്ള തെരഞ്ഞെടുപ്പാണ് പ്രഖ്യാപിച്ചത്. എളമരം കരീം, ബിനോയ് വിശ്വം, ജോസ് കെ മാണി എന്നിവരുടെ ഒഴിവുകളിലേക്കാണ് തെരഞ്ഞെടുപ്പ്.   ജൂലൈ ഒന്നിനാണ് മൂവരും രാജ്യസഭയിലെ കാലാവധി പൂർത്തിയാക്കുന്നത്. ജൂൺ ആറിനു വിജ്ഞാപനം പുറത്തിറങ്ങും.   പത്രിക സമർപ്പിക്കേണ്ട അവസാന തീയതി ജൂൺ 13 ആണ്. ജൂൺ 18 പത്രിക പിൻവലിക്കാനുള്ള അവസാന ദിവസം. ജൂണ്‍ 25-ന് രാവിലെ ഒമ്പതുമുതല്‍ നാലുവരെയാണ് പോളിങ്. അന്നുതന്നെ അഞ്ചുമണിക്ക് വോട്ടെണ്ണല്‍.