ട്വന്റി20 ലോകകപ്പിൽ ഇന്ത്യയ്ക്ക് വിജയ തുടക്കം; അയർലൻഡിനെതിരെ 8 വിക്കറ്റ് ജയം; രോഹിത് ശർമ്മയ്ക് അർദ്ധ സെഞ്ചുറി

ട്വന്റി20 ലോകകപ്പിൽ അയർലൻഡിനെ വൻ മാർജിനിൽ തോൽപിച്ച് തുടക്കം ഗംഭീരമാക്കി ടീം ഇന്ത്യ. എട്ടു വിക്കറ്റു വിജയമാണ് ഇന്ത്യ നേടിയത്. അയർലൻഡ് ഉയർത്തിയ 97 റൺസ് വിജയ ലക്ഷ്യത്തിലേക്ക് 12.2 ഓവറില്‍ രണ്ടു വിക്കറ്റ് നഷ്ടത്തിൽ‍ ഇന്ത്യയെത്തി. ക്യാപ്റ്റൻ‍ രോഹിത് ശര്‍മ അർധ സെഞ്ചറി തികച്ചു. 37 പന്തുകൾ നേരിട്ട രോഹിത് 52 റൺസെടുത്താണു മടങ്ങിയത്. രാജ്യാന്തര ട്വന്റി20 ക്രിക്കറ്റിൽ 4000 റൺസെന്ന നേട്ടവും അയർലൻഡിനെതിരായ മത്സരത്തിൽ രോഹിത് പിന്നിട്ടു.

അയർലൻഡിനെതിരായുള്ള മത്സരത്തിൽ ടോസ്‌ നേടിയ ക്യാപ്‌റ്റൻ രോഹിത്‌ ശർമ ബൗളിങ് തെരഞ്ഞെടുക്കുകയായിരുന്നു. ക്യാപ്‌റ്റന്റെ തീരുമാനം ശരി വയ്‌ക്കുന്ന പ്രകടനമാണ്‌ ബൗളർമാർ കാഴ്‌ചവച്ചത്‌. 96 റൺസിന്‌ അയർലൻഡ്‌ ഓൾ ഔട്ടായി.

സ്കോർ: അയർലൻഡ്: 96/10. ഇന്ത്യ: 97/8 (12.2).