ജില്ലാ ആസൂത്രണസമിതി യോഗം ചേർന്നു

തദ്ദേശ സ്വയംഭരണ സ്ഥാപനങ്ങളുടെ 2023-24 വാർഷിക പദ്ധതി ഭേദഗതി പ്രോജക്ടുകളുടെ അംഗീകാരത്തിനും 2024-25 വാർഷിക പദ്ധതി അംഗീകാരത്തിനുമായി ജില്ലാ ആസൂത്രണ സമിതി യോഗം ചേർന്നു. 12 പഞ്ചായത്തുകളുടെയും മൂന്ന് ബ്ലോക്ക് പഞ്ചായത്തുകളുടെയും മഞ്ചേരി നഗരസഭയുടെയും 2023-24 വാർഷിക പദ്ധതിക്ക് അംഗീകാരം നൽകി.

ജില്ലയിലെ തദ്ദേശ സ്വയംഭരണ സ്ഥാപനങ്ങൾ സമർപ്പിച്ച 2024-25 വാർഷിക പദ്ധതിക്ക് ജില്ലാ ആസൂത്രണ സമിതി അംഗീകാരം നൽകി. എടക്കര, ചീക്കോട്, എടപ്പാൾ, ചെറിയമുണ്ടം, ചോക്കാട്, കീഴാറ്റൂർ, കരുവാരക്കുണ്ട് എന്നീ പഞ്ചായത്തുകളുടെ 2024-25 വാർഷിക പദ്ധതിക്കാണ് ഡി.പി.സി അംഗീകാരം നൽകിയത്.

ഡി.പി.സി ചെയർപേഴ്സനും ജില്ലാ പഞ്ചായത്ത് പ്രസിഡന്റുമായ എം.കെ റഫീഖ അധ്യക്ഷത വഹിച്ചു. ജില്ലാ ആസൂത്രണ സമിതി മെമ്പർ സെക്രട്ടറി കൂടിയായ ജില്ലാ കളക്ടർ വി.ആർ വിനോദ്, ഡെപ്യൂട്ടി ജില്ലാ പ്ലാനിങ് ഓഫിസർ ജ്യോതിമോൾ, ജില്ലാ ആസൂത്രണ സമിതി അംഗങ്ങൾ, ജില്ലാതല ഉദ്യോഗസ്ഥർ, തദ്ദേശ ഭരണ സ്ഥാപന അധ്യക്ഷർ, സെക്രട്ടറിമാർ എന്നിവർ പങ്കെടുത്തു.