ചംപയ് സോറൻ പുതിയ ജാർഖണ്ഡ് മുഖ്യമന്ത്രി

ചംപയ് സോറൻ ജാർഖണ്ഡിൻ്റെ പുതിയ മുഖ്യമന്ത്രി. മുതിർന്ന നേതാവും ഹേമന്ദ് സോറൻ മന്ത്രിസഭയിലെ അംഗവുമായ ചംപയ് സോറനെ മുഖ്യമന്ത്രിയായി ജെഎംഎം പ്രഖ്യാപിച്ചു. ഇതിനിടെ നിലവിലെ മുഖ്യമന്ത്രി ഹേമന്ത് സോറൻ ഭരണകക്ഷി എംഎൽഎമാർക്കൊപ്പം രാജ്ഭവനിലെത്തി. എൻഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥർക്ക് ഒപ്പമാണ് ഹേമന്ത് സോറൻ രാജ്ഭവനിൽ എത്തിയത്. ഗവർണറുമായുളള കൂടിക്കാഴ്ചയ്ക്ക് പിന്നാലെ സോറനെ ഇഡി അറസ്റ്റ് ചെയ്യുമെന്നാണ് റിപ്പോർട്ട്. സോറനെ കസ്റ്റഡിയിലെടുത്തതായി ഇഡി വൃത്തങ്ങളെ ഉദ്ധരിച്ച് ദേശീയ മാധ്യമങ്ങൾ റിപ്പോർട്ടു ചെയ്തു. ഇ ഡിയുടെ ചോദ്യം ചെയ്യലിന് വിധേയനായ ഹേമന്ത് സോറൻ നേരത്തെ രാജി സമർപ്പിച്ചിരുന്നു.