ജാര്‍ഖണ്ഡ് നിയമസഭയിൽ ഭൂരിപക്ഷം തെളിയിച്ച്‌ ചമ്പായ് സോറന്‍; ബിജെപിക്ക് തിരിച്ചടി
ജാര്‍ഖണ്ഡ് മുഖ്യമന്ത്രി ചമ്പായ് സോറന്‍ നിയമസഭയില്‍ വിശ്വാസവോട്ട് നേടി. ആകെയുള്ള 81 നിയമസഭാംഗങ്ങളില്‍ 77 പേര്‍ വോട്ടെടുപ്പില്‍ പങ്കെടുത്തു. 47 പേര്‍ വിശ്വാസപ്രമേയത്തെ അനുകൂലിച്ചും 29 പേര്‍ എതിര്‍ത്തും…
ജാര്‍ഖണ്ഡ് മുഖ്യമന്ത്രി ചമ്പായ് സോറന്‍ നിയമസഭയില്‍ വിശ്വാസവോട്ട് നേടി. ആകെയുള്ള 81 നിയമസഭാംഗങ്ങളില്‍ 77 പേര്‍ വോട്ടെടുപ്പില്‍ പങ്കെടുത്തു. 47 പേര്‍ വിശ്വാസപ്രമേയത്തെ അനുകൂലിച്ചും 29 പേര്‍ എതിര്‍ത്തും വോട്ടു ചെയ്‌തു. സ്വതന്ത്ര സാമാജികന്‍ സര്യു റോയ് വോട്ടെടുപ്പില്‍ പങ്കെടുത്തില്ല.
മുന്‍മുഖ്യമന്ത്രിയും ജാര്‍ഖണ്ഡ് മുക്തി മോര്‍ച്ച നേതാവുമായ ഹേമന്ത് സോറനെ അനധികൃത ഭൂമിയിടപാടുമായി ബന്ധപ്പെട്ട് എന്‍ഫോഴ്‌സ്‌മെന്റ് ഡയറക്‌ടറേറ്റ് അറസ്റ്റു ചെയ്‌തതിനെത്തുടര്‍ന്നാണ് ഗതാഗതവകുപ്പു മന്ത്രിയായിരുന്ന ചമ്പായ് സോറന്‍ മുഖ്യമന്ത്രി പദം ഏറ്റെടുത്തത്. തനിക്കെതിരെയുള്ള ആരോപണം ബിജെപി രേഖാമൂലം തെളിയിച്ചാല്‍ രാഷ്‌ട്രീയപ്രവര്‍ത്തനം അവസാനിപ്പിക്കാമെന്ന് ഹേമന്ത് സോറന്‍ നിയമസഭയില്‍ പറഞ്ഞു. ഗോത്രവര്‍ഗ്ഗത്തില്‍പ്പെട്ട ഒരു മുഖ്യമന്ത്രിയെ അഞ്ചു വര്‍ഷം തികച്ചു ഭരിക്കാന്‍ അനുവദിക്കില്ലെന്ന ബിജെപിയുടെ മനോഭാവമാണ് തന്റെ അറസ്റ്റിനു കാരണമെന്നും സോറന്‍ പറഞ്ഞു.
മുന്‍മുഖ്യമന്ത്രിയും ജാര്‍ഖണ്ഡ് മുക്തി മോര്‍ച്ച നേതാവുമായ ഹേമന്ത് സോറനെ അനധികൃത ഭൂമിയിടപാടുമായി ബന്ധപ്പെട്ട് എന്‍ഫോഴ്‌സ്‌മെന്റ് ഡയറക്‌ടറേറ്റ് അറസ്റ്റു ചെയ്‌തതിനെത്തുടര്‍ന്നാണ് ഗതാഗതവകുപ്പു മന്ത്രിയായിരുന്ന ചമ്പായ് സോറന്‍ മുഖ്യമന്ത്രി പദം ഏറ്റെടുത്തത്. തനിക്കെതിരെയുള്ള ആരോപണം ബിജെപി രേഖാമൂലം തെളിയിച്ചാല്‍ രാഷ്‌ട്രീയപ്രവര്‍ത്തനം അവസാനിപ്പിക്കാമെന്ന് ഹേമന്ത് സോറന്‍ നിയമസഭയില്‍ പറഞ്ഞു. ഗോത്രവര്‍ഗ്ഗത്തില്‍പ്പെട്ട ഒരു മുഖ്യമന്ത്രിയെ അഞ്ചു വര്‍ഷം തികച്ചു ഭരിക്കാന്‍ അനുവദിക്കില്ലെന്ന ബിജെപിയുടെ മനോഭാവമാണ് തന്റെ അറസ്റ്റിനു കാരണമെന്നും സോറന്‍ പറഞ്ഞു.
