മന്ത്രിസഭാ തീരുമാനങ്ങള്‍ (04/03/2025)

നിയമനം

കേരള സ്റ്റേറ്റ് കോ-ഓപ്പറേറ്റീവ് ടെക്സ്റ്റൈയിൽ ഫെഡറേഷൻ ലിമിറ്റഡ് (ടെക്സ്ഫെഡ്) ൽ മാനേജിംഗ് ഡയറക്ടറായി എബി തോമസിനെ നിയമിക്കും.

സേവന കാലാവധി ദീർഘിപ്പിച്ചു

ഓയിൽ പാം ഇന്ത്യാ ലിമിറ്റഡിൻ്റെ ഡയറക്ടർ ബോർഡ് അംഗമായും മാനേജിംഗ് ഡയറക്ടറായുമുള്ള ജോൺ സെബാസ്റ്റ്യൻ്റെ സേവന കാലാവധി 06.06.2024 മുതൽ ഒരു വർഷത്തേയ്ക്ക് കൂടി ദീർഘിപ്പിച്ചു.

കരട് ബിൽ അംഗീകരിച്ചു

1961-ലെ ‘ദി കേരള നോൺ ട്രേഡിങ് കമ്പനീസ് ആക്ട്’ ഭേദഗതി ചെയ്യുന്നതിനായുള്ള ‘കമ്പനീസ് ആക്ട് (ഭേദഗതി) കരട് ബിൽ കേരളാ നോൺട്രേഡിംഗ് -2025’ ന് മന്ത്രിസഭായോ​ഗം അംഗീകാരം നൽകി.

1961-ലെ കേരള നോൺ ട്രേഡിംഗ് കമ്പനീസ് ആക്ടിന്‍റെ പട്ടികയിലുള്ള മാറ്റങ്ങൾക്ക് വിധേയമായിട്ടാണ് കമ്പനീസ് ആക്ട് കേരളത്തിൽ നോൺ ട്രേഡിംഗ് കമ്പനികൾക്ക് ബാധകമാകുന്നത്. എന്നാല്‍ രജിസ്ട്രേഷന്‍ വകുപ്പില്‍ റീജിയണല്‍ ഡയറക്ടര്‍ പദവി ഇല്ലാത്തതിനാല്‍ നിലവില്‍ ആക്ട് അധികാരപ്പെടുത്തിയിട്ടുള്ള അപ്പില്‍ അധികാരി കേരളത്തിലെ നോണ്‍ ട്രേഡിംഗ് കമ്പനികളില്‍ ഇല്ല. അതുകൊണ്ട് 2013ലെ കമ്പനീസ് ആക്ടിലെ റീജിയണല്‍ ഡയറക്ടര്‍ എന്ന അപ്പീല്‍ അധികാരിക്ക് പകരം ജോയ്ന്‍റ് ഇന്‍സ്പെക്ടര്‍ ജനറല്‍ ഓഫ് രജിസ്ട്രേഷന്‍ എന്ന ഉദ്യോഗസ്ഥനെ അപ്പീല്‍ അധികാരിയായി നിയമിക്കുന്നത് സംബന്ധിച്ചാണ് ഭേദഗതി.