കാര്‍ഷിക മേഖലയ്ക്ക് 1698.30 കോടി; വനം വന്യജീവി മേഖലയ്ക്ക് 232.25 കോടി

കാര്‍ഷിക മേഖലയ്ക്ക് 1698.30 കോടി രൂപ ബജറ്റില്‍ വകയിരുത്തി. കേര പദ്ധതിക്ക് 3000 കോടിയും ലോകബാങ്ക് സഹായത്തോടെയുള്ള കൃഷി വകുപ്പിന്റെ കേര പദ്ധതിക്ക് പശ്ചാത്തല സൗകര്യങ്ങള്‍ ഒരുക്കുമെന്നും മന്ത്രി പറഞ്ഞു. ഭക്ഷ്യകാര്‍ഷിക മേഖലയുടെ വാണിജ്യവത്കരണം പ്രോത്സാഹിപ്പിക്കും. നാളികേരം വികസനത്തിന് 65 കോടി. 93.6 കോടി നെല്ല് ഉല്‍പാദനത്തിനും വകയിരുത്തി.

നാളികേര വികസന പദ്ധതിക്ക് 65 കോടി. സുഗന്ധ വ്യഞ്ജന കൃഷിക്ക് 4.6 കോടി. ഉള്‍നാടന്‍ മത്സ്യബന്ധനത്തിന് 80 കോടി എന്നിങ്ങനെ അനുവദിച്ചു. സുഗന്ധ വ്യഞ്ജന കൃഷിക്ക് 4.6 കോടിയും വിളകളുടെ ഉത്പാദന ശേഷി വര്‍ദ്ധിപ്പിക്കാന്‍ 2 കോടിയും കുട്ടനാട് പെട്ടിയും പറയും സ്ഥാപിക്കാന്‍ 36 കോടി വകയിരുത്തി.

ആലപ്പുഴ കോട്ടയം ജില്ലകളിലെ പാടശേഖരങ്ങളിലെ വെള്ളപൊക്ക നിയന്ത്രണത്തിന് 57 കോടി. കാര്‍ഷിക സര്‍വകലാശാലക്ക് 75 കോടി. ക്ഷീര വികസനത്തിന് 150.25 കോടി വകയിരുത്തി. മൃഗ പരിപാലനത്തിന് 535.9 കോടി. വിഷരഹിത പച്ചക്കറിക്ക് 78 കോടി വകയിരുത്തി. സംസ്ഥാനത്ത് ചന്ദനകൃഷി പ്രോത്സാഹിപ്പിക്കുമെന്ന് ബജറ്റ് പ്രഖ്യാപനം. വനം വന്യജീവി മേഖലയ്ക്ക് 232.25 കോടി എന്നിങ്ങനെ വകയിരുത്തി.