എന്താണ് ലോക്ക് ഡൗൺ?

News Desk

23 March 2020 02:07 PM

കൊവിഡ് 19 പടർന്നുപിടിക്കുന്ന സാഹചര്യത്തിൽ രാജ്യത്തെ പല ജില്ലകളും ചില സംസ്ഥാനങ്ങളും പൂർണ്ണമായും ലോക് ഡൗൺ പ്രഖ്യാപിച്ചിരിക്കുകയാണ്. കേരളത്തിലാകട്ടെ കാസർഗോഡ് ജില്ലയിലാണ് പൂർണ്ണ ലോക്ക് ഡൗൺ പ്രഖ്യാപിച്ചിരിക്കുന്നത്. മറ്റു ജില്ലകളിൽ കടുത്ത നിയന്ത്രണവും ഉണ്ട്.

എന്താണ് യഥാർത്ഥത്തിൽ ഈ ലോക്ക് ഡൗൺ ?

അവശ്യവസർവീസുകളൊഴികെ ബാക്കിയെല്ലാം അടച്ചിടും എന്നാണ് ലോക്ക് ഡൌണിലെ പ്രധാന വ്യവസ്ഥ.

• സർക്കാർ ഓഫീസുകളും സ്വകാര്യ സ്ഥാപനങ്ങളും പ്രവർത്തിക്കില്ല- ലോക്ക് ഡൗൺ പ്രഖ്യാപിച്ച ഇടങ്ങളിൽ സർക്കാർ സ്ഥാപനങ്ങളോ മറ്റ് ഓഫീസുകളോ പ്രവർത്തിക്കില്ല. നിർദേശം മറികടന്ന് പ്രവർത്തിച്ചാൽ നടപടിയുണ്ടാകും.
• വിദ്യാഭ്യാസ സ്ഥാപനങ്ങൾക്ക് അവധി- സ്‌കൂൾ, കോളജ്, അംഗൻവാടികൾ ഉൾപ്പെടെ വിദ്യാഭ്യാസ സ്ഥാപനങ്ങൾക്ക് അവധിയായിരിക്കും.
• പൊതുഗതാഗത സംവിധാനങ്ങളിൽ നിയന്ത്രണം
• ലോക്ക് ഡൗൺ ചെയ്ത ജില്ലകളിൽ നിന്ന് പുറത്തേക്കും അകത്തേക്കും യാത്രാ നിയന്ത്രണം
• അവശ്യ സർവീസുകൾ- ആരോഗ്യമേഖല, മാധ്യമങ്ങൾ, ഭക്ഷ്യവിതരണം എന്നിവ ലോക്ക് ഡൗണിൽ നിന്ന് ഒഴിവാക്കും.

അവശ്യസർവീസുകളായി പ്രഖ്യാപിച്ചിരിക്കുന്നത് ഏതൊക്കെ ?

• ധാന്യങ്ങളുടെയും പാനീയങ്ങളുടെയും വിതരണം
• പഴം, പച്ചക്കറി വിതരണം
• വയ്ക്കോലുൾപ്പടെയുള്ളവയുടെ വിതരണം
• പെട്രോൾ, ഡീസൽ, സിഎൻജി, ഇവയുടെ പമ്പുകൾ, ഡിസ്പെൻസിംഗ് യൂണിറ്റുകൾ
• അരി, മറ്റ് ധാന്യ മില്ലുകൾ
• പാൽ പ്ലാന്റുകൾ, ഡയറി യൂണിറ്റുകൾ, വയ്ക്കോലുണ്ടാക്കുന്ന യൂണിറ്റുകൾ, കന്നുകാലികളെ പോറ്റുന്ന യൂണിറ്റുകൾ, ഫുഡ് പ്രോസസിംഗ് യൂണിറ്റുകൾ
• എൽപിജി വിതരണം
• മരുന്നുകൾ, ഫാർമസ്യൂട്ടിക്കലുകൾ, ആരോഗ്യസർവീസുകൾ
• മെഡിക്കൽ, ആരോഗ്യ ഉപകരണങ്ങളുടെ നിർമാണം
• ടെലികോം ഓപ്പറേറ്റർമാർ, കമ്മ്യൂണിക്കേഷൻ സേവനങ്ങൾ
• ഇൻഷൂറൻസ് കമ്പനികൾ, ബാങ്കുകൾ, എടിഎമ്മുകൾ, പോസ്റ്റ് ഓഫീസുകൾ
• അരി, ഗോതമ്പ് ധാന്യങ്ങളുടെ ഗോഡൌണുകളുടെ പ്രവർത്തനം, ഭക്ഷണവസ്തുക്കൾ സൂക്ഷിക്കുന്ന എല്ലാ ഗോഡൌണുകളും, അവശ്യ വസ്തുക്കൾ സൂക്ഷിക്കുന്ന എല്ലാ ഗോഡൌണുകളും