പകല്‍വീട് ഉദ്ഘാടനവും 'വയോമിത്രം പദ്ധതി ഇനി ഗ്രാമങ്ങളിലേക്ക്' ജില്ലാതല ഉദ്ഘാടനം ഇന്ന്
തിരുവനന്തപുരം: പകല്‍വീട് ഉദ്ഘാടനവും 'വയോമിത്രം പദ്ധതി ഇനി ഗ്രാമങ്ങളിലേക്ക്' ജില്ലാതല ഉദ്ഘാടനവും ജൂലൈ 10-ാം തീയതി വൈകുന്നേരം 4 മണിക്ക് പാറശാല ബ്ലോക്ക് പഞ്ചായത്ത് അങ്കണത്തില്‍ വച്ച് ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര്‍ നിര്‍വഹിക്കുന്നു. സി.കെ. ഹരീന്ദ്രന്‍ എം.എല്‍.എ. സ്വാഗതം ആശംസിക്കും. വയോജനങ്ങളുടെ സാമൂഹ്യ സുരക്ഷ ഏറെ വെല്ലുവിളി നേരിടുന്ന ഈ കാലയളവില്‍ വയോജനങ്ങള്‍ക്ക് ഉപകാരപ്രദമാകുന്ന രീതിയില്‍ വിഭാവനം ചെയ്ത ഒരു പദ്ധതിയാണ് പകല്‍ വീട്. 2018-19 പദ്ധയിലാണ് ഇത് പൂര്‍ത്തീകരിച്ചത്. ഇതോടൊപ്പം പാലിയേറ്റീവ് ആംബുലന്‍സിന്റെ ഫ്‌ളാഗോഫും നടക്കും.
സാമൂഹ്യ സുരക്ഷ മിഷന്റെ 'വയോമിത്രം പദ്ധതി ഇനി ഗ്രാമങ്ങളിലേക്ക്' എന്ന പദ്ധതിയുടെ ജില്ലാതല ഉദ്ഘാടനമാണ് നടക്കുന്നത്. വയോമിത്രം പദ്ധതിയിലൂടെ പാറശാല ബ്ലോക്കിലെ ചെങ്കല്‍, കാരോട്, കുളത്തൂര്‍, തിരുപുറം, പൂവാര്‍, പാറശാല എന്നീ 6 ഗ്രാമ പഞ്ചായത്തുകളിലായി 8,000ത്തോളം വയോജനങ്ങള്‍ക്ക് ആരോഗ്യ, മാനസിക, സാമൂഹ്യ പരിരക്ഷ ഈ പദ്ധതിയിലൂടെ ലഭ്യമാക്കുന്നു. കേരള സാമൂഹ്യ സുരക്ഷ മിഷന്റെ നേതൃത്വത്തില്‍ ജില്ലാപഞ്ചായത്തും 6 ഗ്രാമ പഞ്ചായത്തുകളും ചേര്‍ന്നാണ് വയോമിത്രം പദ്ധതി നടപ്പിലാക്കുന്നത്.
Related News
കെകെ ശൈലജയെ ഒഴിവാക്കാന് കാരണം; മറുപടിയുമായി മുഖ്യമന്ത്രി
ഈ പാർട്ടി ഇന്നലത്തെ പാർട്ടിയോ ഇന്നത്തെ പാർട്ടിയോ അല്ല, നാളത്തെ പാർട്ടിയാണ്: മുരളി തുമ്മാരുകുടി
കെകെ ശൈലജയെ ഒഴിവാക്കിയതില് എതിര്പ്പ് അറിയിച്ച് യെച്ചൂരിയും വൃന്ദാകാരാട്ടും
പകര്ച്ചവ്യാധി പ്രതിരോധം: മന്ത്രി കെ.കെ. ശൈലജ ടീച്ചറുടെ നേതൃത്വത്തില്‍ യോഗം ചേര്ന്നു