ബിഷപ്പ് ഫ്രാങ്കോ മുളയ്ക്കലിന് സമന്സ് ; നവംബര് 11 ന് കോട്ടയം ജില്ലാ കോടതിയില് നേരിട്ടു ഹാജരാകണം
കൊച്ചി: കന്യാസ്ത്രീയുടെ പീഡന പരാതിയില് ബിഷപ്പ് ഫ്രാങ്കോ മുളയ്ക്കലിന് സമന്സ്. നവംബര് 11 ന് കോട്ടയത്തെ അഡീഷണല് ജില്ലാ സെഷന്സ് കോടതിയില് നേരിട്ടു ഹാജരാകണമെന്നാണ് സമന്സില് വ്യക്തമാക്കിയിട്ടുള്ളത്. കുറവിലങ്ങാട് പോലീസ് ജലന്ധറിലെത്തി നേരിട്ടെത്തി സമന്സ് കൈമാറി. അതിനിടയില് ഫ്രാങ്കോയ്ക്കെതിരേ പരാതിക്കാരിയായ കന്യാസ്ത്രീ ദേശീയ - സംസ്ഥാന വനിതാ കമ്മീഷനുകളില് പരാതി നല്കി.
സാമൂഹ്യ മാധ്യമങ്ങളില് തന്നെ അപമാനിക്കുന്നു എന്നാരോപിച്ചാണ് പരാതി. ബിഷപ്പ് ഫ്രാങ്കോ അനുയായികളെ വെച്ച് സാമൂഹ്യ മാധ്യമങ്ങളിലൂടെ തന്നെ ഭീഷണിപ്പെടുത്തുകയും യൂട്യൂബ് ചാനല് ഉണ്ടാക്കി തന്റെ ചിത്രങ്ങള് സഹിതം പുറത്തു വിട്ട് അപമാനിക്കാന് ശ്രമിക്കുന്നതായാണ് പരാതിയില് പറഞ്ഞിരിക്കുന്നത്. യു ട്യൂബ് ചാനല് ഉണ്ടാക്കി ദൃശ്യങ്ങള് പ്രചരിപ്പിച്ചും മറ്റും അപമാനിക്കാന് ശ്രമം തുടരുകയാണ് എന്നും മറ്റുമാണ് പരാതിയില് ഉയര്ത്തിയിരിക്കുന്ന ആരോപണം. ബിഷപ്പ് ഫ്രാങ്കോ പരാതി നല്കിയ നാള് മുതല് അപമാനിക്കാന് ശ്രമിക്കുകയാണ്.
2018 ജൂണിലാണ് ലൈംഗിക പീഡന പരാതിയുമായി രംഗത്ത് എത്തിയത്. അന്നു മുതല് ഭീഷണിപ്പെടുത്തുകയും സ്വാധീനിക്കാന് ശ്രമിക്കുകയും ചെയ്യുന്നുണ്ട്. പരാതി നല്കിയിട്ട് ഒരു വര്ഷം കഴിഞ്ഞിട്ടും പോലീസ് കേസില് കുറ്റപത്രം സമര്പ്പിച്ചിട്ടില്ല. അന്വേഷണം മന്ദഗതിയിലാണ്. അന്വേഷണം നടക്കുന്ന സാഹചര്യത്തിലും തന്റെ് ചിത്രങ്ങളും മറ്റും പുറത്തു വിട്ട് ഫ്രാങ്കോ അനുയായികളെ കൊണ്ട് അപമാനിക്കാന് ശ്രമിക്കുകയാണ്.
അനുയായികളെ ഉപയോഗിച്ച് ഭീഷണിപ്പെടുത്തുകയും അപമാനിക്കുകയും കേസില് നിന്നും പിന്തിരിപ്പിക്കാനും സ്വാധീനിക്കാനും ശ്രമിക്കുന്നു. ആക്ഷേപം മാനസീകമായി തകര്ക്കുന്നതിനാല് നടപടിയെടുക്കണമെന്നാണ് ആവശ്യം. നേരത്തേ കന്യാസ്ത്രീ നല്കിയ പീഡന പരാതിയുടെ അടിസ്ഥാനത്തില് അപമാനിക്കാന് ശ്രമിക്കുന്നു, ഭീഷണിപ്പെടുത്തി തുടങ്ങി എട്ടിലധികം കേസുകള് ഫ്രാങ്കോയ്ക്ക് എതിരേ പോലീസ് എടുത്തിട്ടുണ്ട്.