സിസ്റ്റർ ലൂസി കളപ്പുര സന്യാസിനി സഭയിൽനിന്ന് പുറത്ത്
കോട്ടയം∙ ബിഷപ്പ് ഫ്രാങ്കോയ്ക്കെതിരെ സമരം ചെയ്ത സിസ്റ്റർ ലൂസി കളപ്പുരയെ സന്യാസിനി സഭയിൽനിന്ന് പുറത്താക്കി. ഫ്രാന്സിസ്കൻ ക്ലാരിസ്റ്റ് കോൺഗ്രഗേഷൻ (എഫ്സിസി) സന്യാസിനി സഭാംഗമാണ് ലൂസി കളപ്പുര. ദാരിദ്ര്യവ്രതം ലംഘിച്ച് കാർ വാങ്ങി. ശമ്പളം മഠത്തിന് നൽകിയില്ല. ഇതിനുള്ള നോട്ടിസുകൾക്ക് വ്യക്തമായ മറുപടി നൽകിയില്ല. സിനഡ് തീരുമാനം ലംഘിച്ച് ചാനൽ ചർച്ചകളിൽ പങ്കെടുത്തു എന്നതാണ് ഇവർക്കെതിരായ കുറ്റം. കത്തിലൂടെയാണ് സിസ്റ്റർക്ക് അറിയിപ്പ് ലഭിച്ചത്. പത്തു ദിവസത്തിനകം സഭയിൽ നിന്ന് പുറത്തു പോകണമെന്ന് കത്തിൽ പറയുന്നു.