കാശ്മീർ ആഭ്യന്തര വിഷയം; കേന്ദ്ര സർക്കാരിന് പിന്തുണയുമായി രാഹുൽ ഗാന്ധി
ന്യൂഡൽഹി : ജമ്മു കാശ്മീർ വിഷയത്തിൽ കേന്ദ്ര സർക്കാരിന് പിന്തുണയുമായി രാഹുൽ ഗാന്ധി. ജമ്മു കശ്മീര് വിഷയത്തില് പാക്കിസ്ഥാനെതിരെ രൂക്ഷ വിമര്ശനമാണ് കോണ്ഗ്രസ് നേതാവ് രാഹുല് ഗാന്ധി ഉന്നയിച്ചത്. കശ്മീര് ഇന്ത്യയുടെ ആഭ്യന്തര വിഷയമാണെന്നും അവിടെ നടക്കുന്ന അക്രമങ്ങള് പാക്കിസ്ഥാന്റെ പിന്തുണയോടെയാണെന്നും രാഹുല് ട്വീറ്റ് ചെയ്തു. ലോകമെമ്പാടുമുള്ള ഭീകരതയ്ക്കു പ്രധാന പിന്തുണ നല്കുന്ന രാജ്യമാണു പാക്കിസ്ഥാനെന്നും രാഹുല് കുറ്റപ്പെടുത്തി.
'പല വിഷയങ്ങളിലും കേന്ദ്രസര്ക്കാരിനോട് അഭിപ്രായഭിന്നതയുണ്ട്. എന്നാല് കശ്മീര് ഇന്ത്യയുടെ ആഭ്യന്തരവിഷയം മാത്രമാണ്. പാക്കിസ്ഥാനോ മറ്റു വിദേശരാജ്യങ്ങള്ക്കോ അതില് ഇടപെടാന് അവകാശമില്ലെന്നും വ്യക്തമായി അറിയിക്കുന്നു.'-രാഹുൽ ട്വീറ്റില് പറയുന്നു. ജമ്മുവില് അക്രമങ്ങള് അരങ്ങേറുന്നുണ്ട്. അതു ലോകഭീകരതയുടെ പ്രധാന പിന്തുണക്കാരായ പാക്കിസ്ഥാന്റെ അറിവോടെയാണെന്നും രാഹുല് വ്യക്തമാക്കി.