പുതിയ ഇന്ത്യ, ശ്രീനാരായണ ഗുരുവിന്റെ ആശയങ്ങളിലൂടെ; രാഷ്ട്രപതി
ന്യൂഡൽഹി : പുതിയ ഇന്ത്യ ശ്രീനാരായണ ഗുരുവിന്റെ ആശയത്തിലൂടെ കെട്ടിപ്പടുക്കുമെന്ന് രാഷ്ട്രപതി രാംനാഥ് കോവിന്ദ്. പാര്ലമെന്റിന്റെ ഇരുസഭകളുടെയും സംയുക്ത സമ്മേളനത്തില് നയപ്രഖ്യാപന പ്രസംഗം നടത്തുകയായിരുന്നു അദ്ദേഹം. രബീന്ദ്രനാഥ ടാഗോറിന്റെ ആശയങ്ങള് മുറുകെപ്പിടിച്ച് പുതിയ ഇന്ത്യയെ നിര്മിക്കുമെന്നും അദ്ദേഹം കൂട്ടിച്ചേര്ത്തു. പ്രസംഗത്തിനിടെ ശ്രീനാരായണ ഗുരുവിന്റെ ജാതിഭേദം മതദ്വേഷം എന്ന ശ്ലോകം രാഷ്ട്രപതി ഉദ്ധരിച്ചതും ശ്രദ്ധേയമായി. ഗുരുവിന്റെ ആശയങ്ങള് സര്ക്കാരിന് വെളിച്ചം പകരുന്നുവെന്ന് രാഷ്ട്രപതി പറഞ്ഞു.
രാഷ്ട്രപതിയുടെ നയപ്രഖ്യാപന പ്രസംഗത്തിലെ പ്രസക്ത ഭാഗങ്ങള്:
- തിരഞ്ഞെടുപ്പ് സര്ക്കാരിന്റെ വിശ്വാസ്യത വര്ദ്ധിപ്പിച്ചു.
- 61 കോടിയിലധികം ജനങ്ങള് തങ്ങളുടെ സമ്മദിദാന അവകാശം വിനിയോഗപ്പെടുത്തി.
- എല്ലാവര്ക്കുമൊപ്പം എല്ലാവര്ക്കും വികസനം എന്ന ആശയത്തിലാണ് സര്ക്കാര് പ്രവര്ത്തിക്കുന്നത്.
- 13,000 കോടിയുടെ കാര്ഷിക ക്ഷേമ പദ്ധതികള്ക്ക് തുടക്കമായി.
- 2022 നകം കര്ഷകരുടെ വരുമാനം ഇരട്ടിയാക്കും.
- ജവാന്മാരുടെ മക്കള്ക്ക് സ്കോളര്ഷിപ്പ് ഏര്പ്പെടുത്തും.
- ചെറുകിട കച്ചവടക്കാര്ക്ക് ഇന്ഷുറന്സ് ഏര്പ്പെടുത്തും.
- ബേഠി ബച്ചാവോ ബേഠീ പഠാവോ വ്യാപിപ്പിക്കും.
- ആദിവാസി ക്ഷേമം സര്ക്കാരിന്റെ പ്രധാന ലക്ഷ്യം.