പാലാരിവട്ടം മേല്പ്പാലം അഴിമതിയില് ടി.ഒ സൂരജ് അറസ്റ്റില്
കൊച്ചി: പാലാരിവട്ടം മേല്പ്പാലം അഴിമതിക്കേസില് മുന് പിഡബ്ല്യുഡി സെക്രട്ടറി ടി ഒ സൂരജിനെ വിജിലന്സ് അറസ്റ്റ് ചെയ്തു. ടി.ഒ സൂരജിന് പുറമെ പാലം നിര്മിച്ച കമ്പനിയുടെ എം.ഡി സുമിത് ഗോയലും, കിറ്റ്കോ ജനറല് മാനേജര് ബെന്നി പോള്, കിറ്റ്കോ ഉദ്യോഗസ്ഥന് തങ്കച്ചന് എന്നിവര് ഉള്പ്പടെ നാല് പേരാണ് അറസ്റ്റിലായത്.
സൂരജ് സെക്രട്ടറി ആയിരിക്കുമ്പോഴാണ് പാലത്തിന് കരാര് നല്കുന്നത്. ടി.ഒ സൂരജിനെ കഴിഞ്ഞ ദിവസം വിജിലന്സ് ചോദ്യം ചെയ്തിരുന്നു. അന്നത്തെ മന്ത്രിസഭാ തീരുമാന പ്രകാരം ഉത്തരവ് ഇറക്കുക മാത്രമാണ് താന് ചെയ്തതെന്ന് ചോദ്യംചെയ്യലിന് ശേഷം ടി.ഒ സൂരജ് പ്രതികരിച്ചിരുന്നത്.