തരംഗമായി കുളിസീൻ 2; ‘മറ്റൊരു കടവിൽ’
കുളിസീൻ രണ്ടാം ഭാഗവും തരംഗമാകുന്നു. രാഹുൽ കെ ഷാജി സംവിധാനം ചെയ്ത് ജൂഡ്‌ ആന്റണി ജോസഫ്‌, സ്വാസിക എന്നിവർ മുഖ്യ കഥാപാത്രങ്ങളായ ‘മറ്റൊരു കടവിൽ’ എന്ന ഷോർട്‌ ഫിലിം പുറത്തിറങ്ങി. ടോവിനോ തോമസ്‌, ഉണ്ണി മുകുന്ദൻ എന്നിവർ അവരുടെ ഫേസ്ബുക്ക്‌ പേജ്‌ വഴിയാണ് ചിത്രം പുറത്തിറങ്ങിയത്‌. രാഹുൽ രാജ് സംഗീതം നിർവഹിച്ച ഈ ചിത്രത്തിന്റെ നിർമ്മാണം സുനിൽ നായരാണ്.
വീഡിയോ കാണാം :
2013ൽ മാത്തുക്കുട്ടിയും വൈഗയും അഭിനയിച്ച കുളിസീൻ എന്ന ഷോർട്ട് ഫിലിം യൂട്യൂബിൽ തരംഗം സൃഷ്ടിച്ചിരുന്നു. ജൂഡിനും സ്വാസികക്കും ഒപ്പം കോമഡി താരമായ പാഷാണം ഷാജി, സംവിധായകൻ ബോബൻ സാമുവൽ എന്നിവരും ഉണ്ട്. കുളിസീൻ ആദ്യഭാഗത്തിലെ നായകനായ മാത്തുക്കുട്ടിയും അതിഥി വേഷത്തിൽ എത്തുന്നുണ്ട്.സംഗീത സംവിധായകൻ രാഹുൽ രാജ് സംഗീതം. തിരക്കഥ സംഭാഷണം ഒരുക്കുന്നത് സുമേഷ് മധു . കഥ - രാഹുൽ കെ. ഷാജി, സുമേഷ് മധു. ക്യാമറ - രാജേഷ് സുബ്രമണ്യം, എക്സി.പ്രൊഡ്യൂസർ - ഷാജി കോമത്താട്ട്. എഡിറ്റ് - അശ്വിൻ കൃഷ്ണ, പ്രൊഡക്‌ഷൻ കൺട്രോളർ ലിബിൻ വർഗീസ്. സ്റ്റിൽസ് - ജിഷ്ണു കൈലാസ്. ക്രിയേറ്റീവ് സപ്പോർട്ട് - വിനീത് പുള്ളാടൻ, നകുൽ കെ ഷാജി, ശ്രീലാൽ. ചീഫ് അസ്സോ. ഡയറക്ടർ - റാബി ഫന്നേൽ. ചീഫ് അസ്സോ. ക്യാമറാമാൻ - ശരത്ത് ഷാജി. ക്യാരക്ടർ ഡ്രോയിങ്സ് - വിപിൻ കുമാർ കൊച്ചേരിൽ. പബ്ളിസിറ്റി ഡിസൈൻ - അനീഷ് ലെനിൻ.