മാസ്മരിക ലുക്കിൽ മാരുതി 'എസ്-പ്രെസ്സോ'
2018 ഓട്ടോ എക്സ്പോയില് മാരുതി ഫ്യൂച്ചര് എസ് കണ്സപ്പ്റ്റിനെ ആസ്പദമാക്കി നിര്മ്മിച്ച മൈക്രോ എസ്.യു.വി 'എസ്-പ്രെസ്സോ' സെപ്റ്റംബറില് ഇന്ത്യയില് പുറത്തിറങ്ങിയേക്കും. രാജ്യത്തെ ഏറ്റവും വലിപ്പം കുറഞ്ഞ എസ്യുവി ആയിരിക്കും ഇതെന്നാണ് കമ്പനി അവകാശപ്പെടുന്നത്. ബ്രെസയ്ക്ക് ലഭിച്ച മികച്ച സ്വീകാര്യതയാണ് എസ് യു വി സെഗ്മെന്റിലേക്ക് പുതിയ വാഹനങ്ങളെ പുറത്തിറക്കാന് നിര്മ്മാതാക്കളെ പ്രേരിപ്പിക്കുന്നത്.
വിറ്റാര ബ്രെസ്സ രൂപകല്പ്പന ചെയ്ത മാരുതിയുടെ ഇന്ത്യന് ഗവേഷണ-വികസന സംഘമാണ് പുതിയ മോഡലും വികസിപ്പിക്കുന്നത്. യുവതലമുറയെ ലക്ഷ്യമിട്ട് വരുന്ന മോഡല് ഇഗ്നിസ് മാതൃകയില് ഇരട്ടനിറമായിരിക്കും. മോഡലിന്റെ മുന്വശത്തെ പ്രധാന ഫീച്ചറുകള് നേര്ത്ത ഹെഡ്ലാമ്ബും ഹണി കോംമ്ബ് ഡിസൈന് നല്കിയിട്ടുള്ള എയര്ഡാമും ബ്ലാക്ക് ഫിനീഷ് പ്ലാറ്റിക് ആവരണത്തില് നല്കിയിട്ടുള്ള ഫോഗ് ലാമ്ബും സില്വര് സ്കിഡ് പ്ലേറ്റുമാണ്.
പുത്തന് സുരക്ഷാ ചട്ടങ്ങള് പ്രകാരം ഇരട്ട മുന് എയര്ബാഗുകള്, പിന് പാര്ക്കിങ് സെന്സര്, മുന് പാസഞ്ചര് സീറ്റ് ബെല്റ്റ്, ആന്റി - ലോക്ക് ബ്രേക്കിങ് സംവിധാനം എന്നിവ മോഡലില് മാരുതി ഉള്ക്കൊള്ളിക്കും. പുത്തന് വാഗണ്ആറിലെ 1.0 ലിറ്റര് പെട്രോള് എഞ്ചിനായിരിക്കും എസ്-പ്രെസ്സോയിൽ ഉണ്ടാവുക. ഈ എന്ജിന് ഭാരത് സ്റ്റേജ് ആറ് നിലവാരം പുലര്ത്തുന്നതാണ്. നിലവില് ചെറുകാര് ശ്രേണിയില് റെനോ ക്വിഡും ടാറ്റ ടിയാഗൊയും മഹീന്ദ്ര KUV100 -നും എതിരാളിയായാണ് മോഡല് എത്തുക.