മരട് ഫ്ലാറ്റ് കേസ്: മുന് പഞ്ചായത്ത് സെക്രട്ടറി ഉള്പ്പടെ മൂന്ന് പേര് കസ്റ്റഡിയില്
മരട്: മരടിലെ ഫ്ലാറ്റ് കേസുമായി ബന്ധപ്പെട്ട് മൂന്ന് പേരെ ക്രൈംബ്രാഞ്ച് കസ്റ്റഡിയിലെടുത്തു. മരട് മുന് പഞ്ചായത്ത് സെക്രട്ടറി മുഹമ്മദ് അഷ്റഫ്, മുന് ജൂനിയര് സൂപ്രണ്ട് ജോസഫ്, ഹോളി ഫെയ്ത്ത് ഫ്ലാറ്റ് നിര്മാതാവ് സാനി ഫ്രാന്സിസ് എന്നിവരെയാണ് കസ്റ്റഡിയിലെടുത്തത്.
അഴിമതി നിരോധന നിയമപ്രകാരമാണ് നടപടി. ഫ്ലാറ്റിന് പെര്മിറ്റ് നല്കിയത് നിയമവിരുദ്ധമായാണെന്ന് ക്രൈംബ്രാഞ്ച് വ്യക്തമാക്കി. ഇതു സംബന്ധിച്ച് ക്രൈംബ്രാഞ്ച് കോടതിയില് റിപ്പോര്ട്ട് സമര്പ്പിച്ചു.