സനു മോഹന്‍ കൊല്ലൂരില്‍ പ്രത്യേക സംഘത്തിന്റെ പിടിയില്‍
മംഗളൂരു : ദുരൂഹ സാഹചര്യത്തില്‍ മുട്ടാര്‍ പുഴയില്‍ മരിച്ച നിലയില്‍ കണ്ടെത്തിയതിന് പിന്നാലെ നാടുവിട്ട സനുമോഹന്‍ കര്‍ണ്ണാടകയില്‍ പിടിയില്‍. കര്‍ണാടകയിലെ കൊല്ലൂരിന് സമീപത്തുനിന്നാണ് ഇയാള്‍ പ്രത്യേക പോലീസ് സംഘത്തിന്റെ പിടിയിലായതെന്നാണ് വിവരം. ഇന്ന് രാത്രിയിലോ തിങ്കളാഴ്ച രാവിലെയോ കൊച്ചിയില്‍ എത്തിക്കുമെന്നാണ് വിവരം.
സനുമോഹനെ കൊച്ചി പോലീസ് കര്‍ണാടകയില്‍ വിശദമായി ചോദ്യംചെയ്തുവരികയാണെന്നാണ് വിവരം. എന്നാല്‍ കൊച്ചി സിറ്റി പോലീസ് ഇക്കാര്യത്തില്‍ സ്ഥിരീകരണം നല്‍കിയിട്ടില്ല. ചോദ്യം ചെയ്തശേഷം ഔദ്യോഗിക സ്ഥിരീകരണമുണ്ടാകുമെന്നാണ് പ്രതീക്ഷിക്കുന്നത്.
മാര്‍ച്ച്‌ 20ന് ആണു സനു മോഹനെ(40)യും മകള്‍ വൈഗയെയും (13) കാണാതായത്. അതിനു പിറ്റേന്ന് വൈഗയെ മുട്ടാര്‍ പുഴയില്‍ മുങ്ങി മരിച്ച നിലയില്‍ കണ്ടെത്തി. ഇയാള്‍ക്കായും പുഴയില്‍ തിരച്ചിനടത്തി. തുടര്‍ന്ന് നടത്തിയ അന്വേഷണത്തിലാണ് സനു മോഹന്‍ ഒളിച്ചുകടന്നതായി കണ്ടെത്തി. കഴിഞ്ഞ രണ്ടാഴ്ചയായി ഇയാള്‍ക്കായി കേരള പോലീസിന്റെ പ്രത്യേക സംഘം തെരച്ചില്‍ നടത്തി വരികയായിരുന്നു.
ഇതിനിടെ സനു കൊല്ലൂരില്‍ ഉള്ളതായി പോലീസിന് വിവരം ലഭിക്കുകയായിരുന്നു. ഇയാള്‍ താമസിച്ചിരുന്ന ഹോട്ടലിലെ ജീവനക്കാര്‍ക്ക് സംശയം തോന്നി കര്‍ണ്ണാടക പോലീസിനെ അറിയിക്കുകയും അവര്‍ വിവരം കേരള പോലീസിന് കൈമാറുകയുമായിരുന്നു. പിന്നീട് ഇയാള്‍ക്കായി തെരച്ചില്‍ നടത്തിയെങ്കിലും സനുമോഹന്‍ അവിടെ നിന്നും കടന്നു കളഞ്ഞിരുന്നു.
മഹാരാഷ്ട്രയില്‍ നിരവധി സാമ്ബത്തിക കുറ്റകൃത്യങ്ങളില്‍ ഉള്‍പ്പെടെയാളാണെന്ന് കണ്ടെത്തിയതിനെ തുടര്‍ന്ന് അവിടേയ്ക്കും അന്വേഷണം വ്യാപിപ്പിച്ചു. ഒരുവിവരവും കിട്ടാതായതോടെ ഇയാള്‍ക്കായി ലുക്ക്‌ഔട്ട് നോട്ടീസും പുറപ്പെടുവിച്ചിരുന്നു. അതിനിടെ വൈഗയുടെ ശരീരത്തില്‍ ആല്‍ക്കഹോളിന്റെ അംശം ഉള്ളതായി കണ്ടെത്തി. കാക്കനാട് ലാബില്‍ നടത്തിയ പരിശോധനയിലാണ് ഇക്കാര്യം തിരിച്ചറിഞ്ഞത്.
Related News
ഗുസ്തി താരത്തിന്റെ കൊലപാതകം ;സുശീല്കുമാര് പോലീസ് പിടിയില്‍
നിയമനത്തട്ടിപ്പ് കേസില് സരിത എസ് നായരുടെ അറസ്റ്റ് രേഖപ്പെടുത്തി
വൈഗയെ കൊന്നത് താനെന്ന് സമ്മതിച്ച് പിതാവ് സനു മോഹന്‍