തിരുവനന്തപുരം നഗരം യുദ്ധക്കളം
തിരുവനന്തപുരം : KSU നടത്തുന്ന നിരാഹാര സമരത്തിനൊപ്പം നടന്ന പ്രതിഷേധ പരിപാടി കയ്യാങ്കളിയായി. സമരക്കാർക്കു നേരെ പോലീസ് നടപടി. നിരാഹാരം സമരം കിടന്ന കെ എം അഭിജിത് ഉൾപ്പെടെയുള്ളവരെ ആശുപത്രിയിലേക്ക് മാറ്റി.
പോലീസ് ലാത്തി ചാർജിൽ നിരവധി കെഎസ്യു - യൂത്ത് കോൺഗ്രസ് പ്രവർത്തകർക്ക് പരിക്ക്. കെഎസ്യു - യൂത്ത് കോൺഗ്രസ് പ്രവർത്തകർ നടത്തിയ പ്രത്യാക്രമണത്തിൽ സിഐ ഉൾപ്പെടെയുള്ള പോലീസുകാർക്കും മാധ്യമ പ്രവർത്തകർക്കും പരിക്കേറ്റു. രണ്ടു ചാക്ക് കല്ലുകൾ പോലീസ് പിടിച്ചെടുത്തു. തുടർന്ന് സോഡാ കുപ്പി ഉപയോഗിച്ച് പോലീസിന് നേരെ ആക്രമണം നടന്നു. പോലീസ് ഗ്രനേഡും കണ്ണീർ വാതകവും പ്രയോഗിച്ചു. സമര പന്തലിനു മുന്നിലേക്ക് എത്തിയ പോലീസ് വാഹനം കെഎസ്യു - യൂത്ത് കോൺഗ്രസ് പ്രവർത്തകർ വളഞ്ഞിട്ട് ആക്രമിച്ചു.