കര്ണാടകയില് പോപ്പുലര് ഫ്രണ്ടിനെ നിരോധിച്ചേക്കുമെന്ന് സൂചന
ഓഗസ്റ്റ് 20 ന് നടക്കുന്ന മന്ത്രിസഭാ യോഗത്തില് ഇതുസംബന്ധിച്ച തീരുമാനം ഉണ്ടായേക്കുമെന്നാണ് വിവരം.സംസ്ഥാന പഞ്ചായത്ത് രാജ്- ഗ്രാമവികസന വകുപ്പ് മന്ത്രി കെ.എസ്. ഈശ്വരപ്പയാണ് ഇത് സംബന്ധിച്ച സൂചന നല്കിയത്. ഓഗസ്റ്റ് 11 ന് നടന്ന കലാപത്തില് എസ്ഡിപിഐ പ്രവര്ത്തകരായ നിരവധി ആളുകള് അറസ്റ്റിലായിരുന്നു. കലാപത്തിന് പ്രേരിപ്പിച്ചതിനാണ് അറസ്റ്റ് ഉണ്ടായത്.
കോണ്ഗ്രസ് എംഎല്എ ശ്രീനിവാസ് മൂര്ത്തിയുടെ ബന്ധു പോസ്റ്റ് ചെയ്ത ഫേസ്ബുക്ക് പോസ്റ്റിന് പിന്നാലെയാണ് ബംഗളൂരുവില് സംഘര്ഷം ഉടലെടുക്കുന്നത്. ഫേസ്ബുക്ക് പോസ്റ്റ് വിവാദമായതിന് പിന്നാലെ ഡിലീറ്റ് ചെയ്തുവെങ്കിലും അപ്പോഴേക്കും കാര്യങ്ങള് കൈവിട്ടുപോയിരുന്നു. എംഎല്എയുടെ വീടിന് മുൻപില് വലിയ ജനക്കൂട്ടം രോക്ഷാകുലരായി എത്തുകയും രണ്ട് കാറുകള് അഗ്നിക്കിരയാക്കുകയും ചെയ്തു..
തുടര്ന്ന് ഇരുവിഭാഗവും തമ്മില് ഏറ്റുമുട്ടലുണ്ടായി. നിരവധി പൊലീസുകാര്ക്കും സംഘര്ഷത്തില് പരുക്കേറ്റിരുന്നു. ഇതിന് പിന്നാലെ സംസ്ഥാനത്ത് പോപ്പുലര് ഫ്രണ്ട്, എസ്ഡിപിഐ സംഘടനകള് നിരോധിക്കണമെന്നാവശ്യപ്പെട്ട് സര്ക്കാര് കേന്ദ്ര ആഭ്യന്തരമന്ത്രാലയത്തിന് കത്തയച്ചിരുന്നു.