കയറിയടിച്ച് രോഹിത്: തകര്‍പ്പന്‍ സെഞ്ചുറി

Arun M

16 June 2019 05:13 PM

ലോകകപ്പില്‍ പാക്കിസ്ഥാന്‍ ബൗളര്‍മാരെ കയറിയടിച്ച് ഹിറ്റ്മാന്‍ രോഹിത് ശര്‍മയ്ക്ക് സെഞ്ചുറി. വെറും 35 പന്തില്‍ 50 റണ്‍സ് കടന്ന രോഹിത് 85 പന്തില്‍ മൂന്നക്കം കടന്നു. ഇന്ത്യ ശക്തമായ നിലയില്‍ നില്‍ക്കേ രോഹിതും കോലിയുമാണ് ക്രീസില്‍

രോഹിത് ശര്‍മ്മയും കെ എല്‍ രാഹുലും ചേര്‍ന്ന് ഓപ്പണിംഗ് വിക്കറ്റില്‍ 23.5 ഓവറില്‍ 136 റണ്‍സ് കൂട്ടിച്ചേര്‍ത്തു. ലോകകപ്പില്‍ പാക്കിസ്ഥാനെതിരെ ഇന്ത്യയുടെ ഏറ്റവും ഉയര്‍ന്ന ഓപ്പണിംഗ് കൂട്ടുകെട്ടാണിത്. 

ശിഖര്‍ ധവാന് പരിക്കേറ്റതോടെയാണ് രോഹിതിനൊപ്പം രാഹുല്‍ ഓപ്പണറായി എത്തിയത്. കരുതലോടെ കളിച്ചു തുടങ്ങിയ ഇരുവരും അര്‍ദ്ധ സെഞ്ചുറി നേടി. രോഹിത് 35 പന്തിലും രാഹുല്‍ 69 പന്തിലും അമ്പത് തികച്ചു. 24-ാം ഓവറില്‍ ഈ കൂട്ടുകെട്ട് പേസര്‍ വഹാബ് റിയാസാണ് പൊളിച്ചത്. ബാബര്‍ അസമിന് ക്യാച്ച് നല്‍കി 57 റണ്‍സുമായി രാഹുല്‍ പുറത്താവുകയായിരുന്നു.