ലോകകപ്പ് ആദ്യ മത്സരത്തിൽ ആതിഥേയർക്ക് ജയം

News Desk

31 May 2019 12:00 AM

ലണ്ടണ്‍; ലോകകപ്പിലെ ആദ്യമത്സരത്തില്‍ ഇംഗ്ലണ്ടിന് തകര്‍പ്പന്‍ വിജയം. സൗത്ത് ആഫ്രിക്കയ്‌ക്കെതിരെ 104 റണ്‍സിനാണ് ഇംഗ്ലണ്ടിന്റെ വിജയം. 50 ഓവറില്‍ എട്ട് വിക്കറ്റ് നഷ്ടത്തില്‍ 311 റണ്‍സാണ് ഇംഗ്ലണ്ട് നേടിയത്. മറുപടി ബാറ്റിംഗിനിറങ്ങിയ സൗത്ത് ആഫ്രിക്കയ്ക്ക് 207 റണ്‍സെടുക്കാനെ കഴിഞ്ഞുള്ളു. 39.5 ഓവറില്‍  സൗത്ത് ആഫ്രിക്കയുടെ മുഴുവന്‍ വിക്കറ്റും നഷ്ടപ്പെടുകയായിരുന്നു.

ബെൻ സ്റ്റോക്സ് (89), ജെയ്‌സൻ റോയ് (54), ജോ റൂട്ട് (51) ക്യാപ്റ്റൻ ഓയ്‌ൻ മോർഗൻ (57) എന്നിവരുടെ അർധ സെഞ്ചുറികളാണ് ഇംഗ്ലണ്ടിനെ മികച്ച സ്കോറിൽ എത്തിച്ചത്. ജോഫ്ര ആർച്ചർ ഇംഗ്ലണ്ടിനായി 3 വിക്കറ്റ് വീഴ്ത്തി. സ്റ്റോക്സ് രണ്ടും. ക്വിന്റൻ ഡി കോക്കാണ് (68) ദക്ഷിണാഫ്രിക്കയുടെ ടോപ് സ്കോറർ.