കർണാടകയിൽ ഇന്ന് നിർണ്ണായകം; വിധാൻ സൗധിൽ കിടന്നുറങ്ങി എംഎൽഎമാർ
ബംഗളുരു : കുമാരസ്വാമി സർക്കാരിന് ഇന്ന് കർണാടക വിധാൻ സൗധിൽ നിർണ്ണായക ദിനം. ഭൂരിപക്ഷം തെളിയിക്കാൻ ഗവർണർ സർക്കാരിന് നല്കിയിരിക്കുന്ന സമയം ഇന്ന് ഉച്ചക്ക് ഒന്നര വരെ മാത്രം. നിർണ്ണായക ദിനത്തിന്റെ തലേന്നു വിധാൻ സൗധിൽ തന്നെ ഉണ്ടും ഉറങ്ങിയും ബിജെപി എംഎൽഎമാരും. ഇന്ന് ഉച്ചയ്ക്ക് ഒന്നര മണിക്കകം വിശ്വാസ വോട്ടെടുപ്പ് നടത്തണമെന്ന് ഗവര്‍ണര്‍ അന്ത്യശാസനം നല്‍കിയിരിക്കെ ചൂടേറിയ ചര്‍ച്ചകളും വാഗ്വാദങ്ങളും വിധാന്‍ സൗധയില്‍ അരങ്ങേറും.
വിശ്വാസവോട്ടെടുപ്പ് നടത്താത്തതില്‍ പ്രതിഷേധിച്ച് ധര്‍ണ നടത്തുന്നതിന്റെ ഭാഗമായി വിധാന്‍ സൗധയിലാണ് പ്രതിപക്ഷ എംഎല്‍എമാര്‍ വ്യാഴാഴ്ച രാത്രി കിടന്നുറങ്ങിയത്.വിധാന്‍ ബി.ജെ.പി. എം.എല്‍.എ.മാര്‍ സൗധിൽ കൈയടക്കിയതോടെ സമയാസമയം കുടിവെള്ളമെത്തിക്കാനും ആവശ്യമായ സൗകര്യമൊരുക്കാനും ജീവനക്കാരാണ് ബുദ്ധിമുട്ടിലായത്. ഇതിനിടയില്‍ ഭരണപക്ഷത്തെ നേതാക്കള്‍ കുശലാന്വേഷണം നടത്താനെത്തിയതും കൗതുകമായി. വിധാന്‍ സൗധയില്‍ ബിജെപി എംഎല്‍എമാര്‍ക്കൊപ്പമാണ് ഉപമുഖ്യമന്ത്രി ജി.പരമേശ്വര രാവിലത്തെ ഭക്ഷണം കഴിച്ചത്.
Related News
പെട്രോൾ വില വർദ്ധനവിനെക്കുറിച്ച് കെ.സുരേന്ദ്രന്റെ പ്രതികരണം
കൊടകര കുഴൽപ്പണ കവർച്ചാകേസിൽ കണ്ണൂരില് നിന്ന് ഏഴര ലക്ഷം രൂപ കൂടി കണ്ടെടുത്തു
‘നല്ല കാര്യങ്ങൾ ആര് ചെയ്താലും അംഗീകരിക്കും’; കേരളീയത്തിൽ പങ്കെടുത്ത് ബിജെപി നേതാവ് ഒ.രാജഗോപാൽ
കെ സുരേന്ദ്രനെതിരെ കേസെടുത്തു
