സ്വയം പര്യാപ്തമാകണമെന്ന സന്ദേശമാണ് കൊവിഡ് നല്കുന്നത്: പുതിയ പാഠമെന്ന് പ്രധാനമന്ത്രി
ന്യൂഡല്ഹി: ദേശീയ പഞ്ചായത്തീരാജ് ദിന(എന്.പി.ആര്.ഡി.)മായ ഇന്ന് പ്രധാനമന്ത്രി നരേന്ദ്ര മോദി പഞ്ചായത്ത് തലവന്മാരെ അഭിസംബോധന ചെയ്തു. കൊറോണ പ്രതിരോധത്തിനായി രാജ്യത്ത് ലോക്ക് ഡൗണ് പ്രഖ്യാപിച്ചിരിക്കുന്നതിനാല് വീഡിയോ കോണ്ഫറസിംഗ് വഴിയായിരുന്നു അദ്ദേഹം പഞ്ചായത്ത് തലവന്മാരുമായി സംവദിച്ചത്.
പ്രധനമായും നമ്മൾ സ്വയം പര്യാപ്തമാകണമെന്ന സന്ദേശമാണ് കൊവിഡ് നല്കുന്നത് എന്നാണ് പ്രധനമന്ത്രി പറഞ്ഞത്. രാജ്യം നേരിടുന്നത് ഇതുവരെയില്ലാത്ത വെല്ലുവിളിയാണ്. പഞ്ചായത്തുകളും സംസ്ഥാനങ്ങും രാജ്യവും സ്വയം പര്യാപ്തമാകണം എന്ന് പ്രധനമന്ത്രി പറയുകയുണ്ടായി. പഞ്ചായത്തുകളുടെ പ്രവർത്തനത്തെ അഭിനന്ദിച്ച പ്രധാനമന്ത്രി പഞ്ചായത്തുകളുടെ പ്രവർത്തനം കൂടുതൽ ശക്തമാക്കണം എന്നും പറഞ്ഞു. പഞ്ചായത്തുകൾ ഡിജിറ്റലൈസ് ചെയ്യുന്നതിന്റെ ഭാഗമായി ഇ-ഗ്രാമ സ്വരാജ് പോര്ട്ടലും മൊബൈല് ആപ്പും അവതരിപ്പിച്ചിട്ടുണ്ട്.