കർണാടകം; വിമതർ വഴങ്ങിയില്ലെങ്കിൽ സർക്കാർ വീഴും
ബെംഗളൂരു : മന്ത്രിസ്ഥാനം നൽകാമെന്ന വാഗ്ദാനത്തിലും വീഴാതെ വിമതർ. ഇതോടെ കര്ണാടകത്തിലെ കോണ്ഗ്രസ്-ജെഡിഎസ് സര്ക്കാര് വീഴുമെന്ന് ഉറപ്പായി. വിമത എംഎല്എമാരെ മന്ത്രിമാരാക്കി സര്ക്കാരിനെ രക്ഷിച്ചെടുക്കാനായി കോണ്ഗ്രസ്-ജെഡിഎസ് മന്ത്രിമാര് ഒന്നടങ്കം രാജിവച്ച് അവസാന അടവും പയറ്റിനോക്കിയെങ്കിലും മുംബൈയിലേക്ക് മുങ്ങിയ വിമതര് ആരും തിരിച്ചെത്തിയില്ല.
കെ.സി വേണുഗോപാലിനെതിരെ നടത്തിയ പ്രസ്താവനയുടെ പേരില് അച്ചടക്കനടപടി നേരിട്ട റോഷന് ബെയ്ഗും കോണ്ഗ്രസില് നിന്ന് രാജിവെച്ച് ബിജെപിയില് ചേരുമെന്ന് പ്രഖ്യാപിച്ചു. ഒരു മാസം മുമ്പ് മന്ത്രിമാരായ രണ്ട് സ്വതന്ത്രര് കൂടി ബിജെപി പക്ഷത്തേക്ക് ചാഞ്ഞതോടെ പ്രതിപക്ഷത്ത് 107 പേരുടെ പിന്തുണയായി. ബിജെപിക്ക് തനിച്ച് 105 എംപിമാരുണ്ട്. ഭരണപക്ഷത്തെ അംഗബലം 104 ആയി ചുരുങ്ങി. 224 അംഗസഭയില് 13 വിമതരെ മാറ്റിനിര്ത്തിയാല് 211 പേരാകും. പുതിയ സാഹചര്യത്തില് 106 പേരുടെ പിന്തുണയുണ്ടെങ്കില് കേവല ഭൂരിപക്ഷമാകും. ഇതോടെ ബിജെപിക്ക് സര്ക്കാരുണ്ടാക്കാന് സാഹചര്യമൊരുങ്ങും.