വണ്ടിയോടിച്ചത് ബാലഭാസ്കര്, നഷ്ടപരിഹാരമായി ഒരു കോടി രൂപ വേണം; ഡ്രൈവര് അര്ജുന് കോടതിയിൽ
തിരുവനന്തപുരം: വയലിനിസ്റ്റ് ബാലഭാസ്കര് മരിക്കാനിടായ കാര് അപകടത്തില് നഷ്ടപരിഹാരമായി ഒരു കോടി രൂപ വേണമെന്ന് ആവശ്യപ്പെട്ട് ഡ്രൈവര് അര്ജുന് കോടതിയെ സമീപിച്ചു. വണ്ടിയോടിച്ചത് താനല്ലെന്ന് അര്ജുന് പറഞ്ഞു. അപകടസമയത്ത് ബാലഭാസ്കറാണ് വണ്ടിയോടിച്ചത്. ബാലഭാസ്കറിന്റെ അലക്ഷ്യമായ ഡ്രൈവിംഗാണ് അപകടത്തിന് ഇടയാക്കിയതെന്നും ഹര്ജിയില് പറയുന്നു. ബാലഭാസ്കറിന്റെ കുടുംബത്തെ എതിര്കക്ഷിയാക്കിയാണ് അര്ജുന്റെ ഹര്ജി.
അപകടമുണ്ടായ സമയത്ത് കാര് ഓടിച്ചിരുന്നത് ഡ്രൈവറായിരുന്ന അര്ജുനണെന്ന് ഫോറന്സിക് പരിശോധനയില് കണ്ടെത്തിയിരുന്നു. അര്ജുന് തലയ്ക്ക് പരിക്കേറ്റത് മുന് സീറ്റില് ഇരുന്നതിനാലാണെന്നാണ് ഫോറന്സിക് പരിശോധനാ ഫലം. ബാലഭാസ്കര് പിന്സിറ്റില് മധ്യഭാഗത്തായിരുന്നു ഇരുന്നതെന്നും വാഹനത്തില് സീറ്റ് ബെല്റ്റ് ധരിച്ചിരുന്നത് ബാലഭാസ്കറിന്റെ ഭാര്യ ലക്ഷ്മി മാത്രമായിരുന്നുവെന്നും ഫോറന്സിക് അന്വേഷണത്തില് കണ്ടെത്തിയിരുന്നു.
അര്ജുനാണ് കാറോടിച്ചതെന്നായിരുന്നു ബാലഭാസ്കറിന്റെ ഭാര്യയുടെ മൊഴി.