ബജാജ് 'ചേതക്ക്' തിരിച്ചെത്തുന്നു; ഇലക്ട്രിക് പരിവേഷം
ബജാജിന്റെ ഐതിഹാസിക മോഡലായിരുന്ന പഴയ ചേതക്ക് സ്‌കൂട്ടറിനെ ഓര്‍മ്മപ്പെടുത്തി ബജാജ് നിരയിലെ ആദ്യ ഇലക്ട്രിക് സകൂട്ടര്‍ 'ചേതക്ക് ഇലക്ട്രിക്' അവതരിച്ചു. ബജാജിന്റെ പുതിയ അര്‍ബണെറ്റ് ബ്രാന്‍ഡിലാണ് ചേതക്ക് നിരത്തിലേക്കെത്തുന്നത്. അടുത്ത വര്‍ഷം ജനുവരിയോടെ ചേതക്ക് ഇലക്ട്രിക് പുറത്തിറങ്ങും. പുണെയിലെ ചാകന്‍ പ്ലാന്റില്‍ സെപ്തംബര്‍ 25 മുതല്‍ ചേതക്കിന്റെ നിര്‍മാണം ബജാജ് അരംഭിച്ചിട്ടുണ്ട്. ആദ്യ ഘട്ടത്തില്‍ പുണെയിലാണ് വാഹനം ലഭ്യമാവുക. പിന്നാലെ ബെംഗളൂരുവിലും സാന്നിധ്യമറിയിക്കും. ഇതിന് ശേഷം രാജ്യത്തെ മറ്റ് പ്രധാനപ്പെട്ട നഗരങ്ങളിലും ചേതക്ക് ഘട്ടംഘട്ടമായി പുറത്തിറങ്ങും എന്നാണ് ഇപ്പോൾ ലഭിക്കുന്ന വിവരങ്ങൾ.
പഴയ ചേതക്കുമായി ഒരു രൂപ സാദൃശ്യവുമില്ലാതെ വാഹനത്തിനു റെട്രോ ഡിസൈൻ ആണ് നൽകിയിരിക്കുന്നത്. എല്‍ഇഡി ഹെഡ്‌ലാമ്പ്, വീതിയേറിയ സീറ്റ്, വലിയ ഡിജിറ്റല്‍ ഇന്‍സ്ട്രുമെന്റ് കണ്‍സോള്‍, വളഞ്ഞ ബോഡി പാനലുകള്‍, സ്‌പോര്‍ട്ടി റിയര്‍വ്യൂ മിറര്‍, 12 ഇഞ്ച് വീല്‍, റീജനറേറ്റീവ് ബ്രേക്കിങ് എന്നിവ ചേതക്കിനെ വ്യത്യസ്തമാക്കും. സ്മാര്‍ട്ട് ഫോണുമായി കണക്റ്റ് ചെയ്ത് നിരവധി കണക്റ്റഡ് ഫീച്ചേഴ്‌സും സ്‌കൂട്ടറിലുണ്ട്.
IP67 റേറ്റിങ്ങുള്ള ഹൈ-ടെക് ലിഥിയം അയേണ്‍ ബാറ്ററിയാണ് ചേതക്കിലുണ്ടാവുക. സ്റ്റാന്റേര്‍ഡ് 5-15 amp ഇലക്ട്രിക്ക് ഔട്ട്‌ലെറ്റ് വഴി വാഹനം ചാര്‍ജ് ചെയ്യാം. അതേസമയം ഇതിലെ ഇലക്ട്രിക് മോട്ടോര്‍, പവര്‍ എന്നിവ സംബന്ധിച്ച വിവരങ്ങളും ബജാജ് വ്യക്തമാക്കിയിട്ടില്ല. സിറ്റി, സ്‌പോര്‍ട്‌സ് എന്നീ രണ്ട് ഡ്രൈവിങ് മോഡുകളില്‍ വാഹനം ഓടിക്കാം. സിറ്റി മോഡില്‍ ഒറ്റചാര്‍ജില്‍ 95-100 കിലോമീറ്റര്‍ ദൂരവും സ്‌പോര്‍ട്‌സ് മോഡില്‍ 85 കിലോമീറ്റര്‍ ദൂരവും സഞ്ചരിക്കാന്‍ സാധിക്കും. വില ഏകദേശം 1.15 ലക്ഷം രൂപ മുതലായിരിക്കും എന്നാണ് റിപ്പോർട്ട്.
Related News
ജാതി സെന്സസുമായി കോണ്‍ഗ്രസ് മുന്നോട്ട് പോകും: രാഹുല് ഗാന്ധി
ഇലക്ട്രിക് വാഹന നിര്മ്മാണം; ഇന്ത്യയില് കോടികള് നിക്ഷേപിക്കാനൊരുങ്ങി ഹ്യുണ്ടായ്
ബജാജ് പ്ലാറ്റിനയുടെ വില വര്ധിപ്പിച്ചു
ട്രാവന്കൂര് ടൈറ്റാനിയം ഇലക്ട്രിക് വാഹന ബാറ്ററി നിര്മ്മിക്കും