ആസാമില് തീപിടുത്തമുണ്ടായ എണ്ണക്കിണറിനു സമീപം രണ്ടു മൃതദേഹങ്ങള്
ഗോഹട്ടി: ആസാമിലെ ടിന്സുകിയ ജില്ലയില് വാതകച്ചോര്ച്ചയുണ്ടായതിനെ തുടര്ന്ന് തീപിടുത്തമുണ്ടായ ഓയില് ഇന്ത്യ ലിമിറ്റഡിന്റെ ഉടമസ്ഥതയിലുള്ള എണ്ണകിണറിനു സമീപം രണ്ടു മൃതദേഹം കണ്ടെത്തി. രക്ഷാപ്രവര്ത്തകരാണ് മരിച്ചതെന്ന് അധികൃതര് വ്യക്തമാക്കി. 14 ദിവസങ്ങളായി വാതക ചോര്ച്ചയുണ്ടായ എണ്ണക്കിണറിന് ചൊവ്വാഴ്ചയോടെയാണ് തീപിടുത്തമുണ്ടായത്. തീപിടുത്തത്തിന്റെ വ്യാപ്തി എത്രമാത്രം ശക്തമാണെന്ന് 10 കിലോമീറ്റര് ദൂരെ നിന്നു നോക്കിയാലും വ്യക്തമാകും.
സംസ്ഥാന സര്ക്കാരിന്റെ അഭ്യര്ഥനയെ തുടര്ന്ന് ഇന്ത്യന് എയര്ഫോഴ്സും സൈന്യവും രക്ഷാപ്രവര്ത്തനത്തിന് സ്ഥലത്തെത്തിയിട്ടുണ്ട്. തീപിടുത്തം ഇതുവരെയും നിയന്ത്രണ വിധേയമാക്കാന് സാധിച്ചിട്ടില്ലെന്നാണ് റിപ്പോര്ട്ടുകള് സൂചിപ്പിക്കുന്നത്. തീപിടുത്തത്തെ തുടര്ന്ന് 1,610 കുടുംബങ്ങളെ നേരത്തെ തന്നെ പ്രദേശത്തുനിന്നും മാറ്റിപ്പാര്പ്പിച്ചിരുന്നു. എണ്ണ ചോര്ച്ചയുണ്ടായതിനെ തുടര്ന്ന് പ്രദേശത്തെ നിരവധി മത്സ്യങ്ങളും ഡോള്ഫിനുകളും പക്ഷികളും ചത്തിരുന്നു.