എഴുത്തുകാരനും നടനുമായ മാടമ്ബ് കുഞ്ഞുക്കുട്ടന്‍ അന്തരിച്ചു
തൃശൂര്‍: എഴുത്തുകാരനും നടനുമായ മാടമ്ബ് കുഞ്ഞുക്കുട്ടന്‍ അന്തരിച്ചു. 81 വയസായിരുന്നു. കൊവിഡ് ബാധിച്ച്‌ തൃശൂരിലെ സ്വകാര്യ ആശുപത്രിയില്‍ ചികിത്സയിലായിരുന്നു. പനിയെ തുടര്‍ന്ന് കഴിഞ്ഞ ദിവസമാണ് ആശുപത്രിയില്‍ പ്രവേശിപ്പിച്ചത്. പരിശോധനയില്‍ കൊവിഡ് സ്ഥിരീകരിക്കുകയായിരുന്നു.
കരുണം,പരിണാമം,മകള്‍ക്ക്, ദേശാടനം,സഫലം,ഗൗരീശങ്കരം തുടങ്ങിയ സിനിമകള്‍ക്ക് തിരക്കഥയെഴുതി. 2000ത്തില്‍ കരുണയുടെ തിരക്കഥയ്ക്ക് ദേശീയ പുരസ്‌കാരം നേടി. കേരള സാഹിത്യ അക്കാഡമി അവാര്‍ഡും ലഭിച്ചു.ഭ്രഷ്ട്, അശ്വത്ഥാമാവ്, അവിഘ്‌നമസ്തു, ചക്കരക്കുട്ടിപ്പാറു, തോന്ന്യാസം തുടങ്ങിയവയാണ് പ്രധാന നോവലുകള്‍
വടക്കുംനാഥന്‍,പോത്തന്‍വാവ,അഗ്നിനക്ഷത്രം,കരുണം,അഗ്നിസാക്ഷി,ദേശാടനം,ചിത്രശലഭം,അശ്വത്ഥാമാവ് തുടങ്ങി നിരവധി സിനിമകളില്‍ അഭിനയിച്ചു.1941 ല്‍ കിരാലൂര്‍ മാടമ്ബ് മനയില്‍ ശങ്കരന്‍ നമ്ബൂതിരിയുടേയും സാവിത്രി അന്തര്‍ജ്ജനത്തിന്റേയും മകനായി ജനിച്ചു. പരേതയായ സാവിത്രി അന്തര്‍ജനമാണ് ഭാര്യ. മക്കള്‍:ഹസീന, ജസീന.
Related News
ആര് ബാലകൃഷ്ണപിള്ള അന്തരിച്ചു
പ്രശസ്ത നടന് വിവേക് അന്തരിച്ചു
പ്രശസ്ത സംഗീത സംവിധായകന് ഐസക്ക് തോമസ് കോട്ടുകപ്പള്ളി അന്തരിച്ചു