കെ.എം ഷാജിയുടെ ഭാര്യയെ വിജിലന്സ് ചോദ്യം ചെയ്യും
കോഴിക്കോട്: അനധികൃത സ്വത്ത് സമ്ബാദനക്കേസുമായി ബന്ധപ്പെട്ട് കെ.എം ഷാജിയുടെ ഭാര്യയെ വിജിലന്സ് ചോദ്യം ചെയ്യും. ഷാജിയുടെ വീടുകളില് നടത്തിയ റെയ്ഡില് കണ്ടെടുത്ത രേഖകള് പലതും ഭാര്യയുടെ പേരില് കൂടി ആയതിനാലാണ് തീരുമാനം.
അനധികൃതമായി സ്വത്ത് സമ്ബാദിച്ചെന്ന കേസില് തിങ്കളാഴ്ചയാണ് കെ.എം. ഷാജിയുടെ കോഴിക്കോട്ടെയും കണ്ണൂര് അഴീക്കോട്ടെയും വീടുകളില് വിജിലന്സ് റെയ്ഡ് നടത്തിയത്. കോഴിക്കോട്ടെ പരിശോധന തിങ്കളാഴ്ച രാത്രിയോടെയും അഴീക്കോട്ടെ പരിശോധന ചൊവ്വാഴ്ച ഉച്ചയ്ക്കുമാണ് പൂര്ത്തിയായത്.
കോഴിക്കോട്ടെയും കണ്ണൂരിലെയും വീടുകള് അളന്ന് തിട്ടപ്പെടുത്താന് PWD യോട് ആവശ്യപ്പെട്ടു. ഒരാഴ്ചയ്ക്കകം പരിശോധിച്ച് റിപ്പോര്ട്ട് നല്കാനാണ് നിര്ദ്ദേശം.
ഷാജിയുടെ വീട്ടില്നിന്ന് 47.35 ലക്ഷം രൂപ കണ്ടെത്തിയെന്നാണ് കോഴിക്കോട് വിജിലന്സ് കോടതിയില് സമര്പ്പിച്ച റിപ്പോര്ട്ടില് പറയുന്നത്. ഇതോടൊപ്പം 77 രേഖകളും കോടതിയില് സമര്പ്പിച്ചിട്ടുണ്ട്. ഈ രേഖകളില് പലതും ഭാര്യയുടെ പേരിലാണ്.