യുഡിഎഫിന്റെ ഐശ്വര്യ കേരളയാത്ര ഇന്ന് കാസര്‍ഗോഡ് നിന്നും ആരംഭിക്കും
പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരളയാത്ര ഇന്ന് കാസര്‍ഗോഡ് നിന്നും ആരംഭിക്കും. മുന്‍ മുഖ്യമന്ത്രി ഉമ്മന്‍ചാണ്ടി ജാഥ ഉദ്ഘാടനം ചെയ്യും. 140 നിയമസഭാ മണ്ഡലങ്ങളിലും പര്യടനം നടത്തുന്ന ജാഥ ഫെബ്രുവരി 22 ന് തിരുവനന്തപുരത്ത് സമാപിക്കും.
നിയമസഭാ തെരഞ്ഞെടുപ്പിനു മുന്നോടിയായി അണികളെ സജ്ജരാക്കുക എന്ന ലക്ഷ്യത്തോടെയുള്ള പ്രതിപക്ഷ നേതാവ് രമേശ് ചെന്നിത്തല നയിക്കുന്ന യുഡിഎഫിന്റെ ഐശ്വര്യ കേരള യാത്ര വൈകിട്ടോടെ കുമ്ബളയില്‍ നിന്നും പ്രയാണം ആരംഭിക്കും. 140 നിയമസഭാ മണ്ഡലങ്ങളില്‍ 22 ദിവസംകൊണ്ട് ജാഥ പര്യടനം നടത്തും.
സമ്പൽ സമൃദ്ധവും, ഐശ്വര്യ പൂര്‍ണവുമായ കേരളമാണ് യാത്രയുടെ ലക്ഷ്യം. ഉമ്മന്‍ ചാണ്ടി, മുല്ലപ്പള്ളി രാമചന്ദ്രന്‍, പി.കെ. കുഞ്ഞാലിക്കുട്ടി, പി.ജെ. ജോസഫ്, എന്‍.കെ. പ്രേമചന്ദ്രന്‍, തുടങ്ങിയ നേതാക്കള്‍ ജാഥയില്‍ സ്ഥിരാംഗങ്ങളായിരിക്കും. വൈകീട്ട് 3ന് മുന്‍ മുഖ്യമന്ത്രി ഉമ്മന്‍ചാണ്ടി കുമ്ബളയില്‍ ജാഥ ഉദ്ഘാടനം ചെയ്യും. ആദ്യദിനം രണ്ടു മണ്ഡലങ്ങളിലാണ് പര്യടനം.
നാളെ പെരിയ ഉദുമ, കാഞ്ഞങ്ങാട്, തൃക്കരിപ്പൂര്‍ എന്നിവിടങ്ങളിലെ സ്വീകരണത്തിനുശേഷം ജാഥ കണ്ണൂര്‍ ജില്ലയിലേക്ക് പ്രവേശിക്കും. 22 ന് തിരുവനന്തപുരത്ത് നടക്കുന്ന സമാപന സമ്മേളനത്തില്‍ ദേശീയ നേതാക്കള്‍ ഉള്‍പ്പടെ പങ്കെടുക്കും.
Related News
യു.ഡി.എഫ് കൊടുങ്കാറ്റുപോലെ തിരിച്ചുവരും: വി.ഡി സതീശന്
കേരളത്തിലെ പരാജയം; ഹൈക്കമാന്ഡ് റിപ്പോര്‍ട്ട് തേടി
'രാജിക്ക് തയ്യാര്' ; മുല്ലപ്പള്ളി
ബി.ജെ.പിയുമായി യു.ഡി.എഫ് വോട്ടുകച്ചവടം നടത്തി -പിണറായി
