മുഖ്യമന്ത്രിക്ക് ഭീഷണി സന്ദേശം; സുരക്ഷ ശക്തമാക്കി
തിരുവനന്തപുരം: മുഖ്യമന്ത്രി പിണറായി വിജയന് ഭീഷണി സന്ദേശം. ഫോണിലൂടെയാണ് സന്ദേശം വന്നത്. തിങ്കളാഴ്ച അര്ധരാത്രിയോടെയായിരുന്നു സംഭവം. ഫോണ് വിളിച്ചയാളെ പൊലീസ് കസ്റ്റഡിയില് എടുത്തു. കായംകുളത്ത് നിന്നാണ് ഇയാളെ കസ്റ്റഡിയില് എടുത്തത്. ഭീഷണിയുടെ അടിസ്ഥാനത്തില് തിരുവനന്തപുരത്ത് സുരക്ഷ ശക്തമാക്കി.
അതേസമയം, കസ്റ്റഡിയിലെടുത്തയാളെക്കുറിച്ച് കൂടുതല് വിവരങ്ങള് പൊലീസ് പുറത്തുവിട്ടിട്ടില്ല. കസ്റ്റഡിയിലെടുത്ത ആളില് നിന്നും മൊഴി രേഖപ്പെടുത്തിയ ശേഷം വിട്ടയച്ചു. മൂന്നു ദിവസം മുന്പ് മൊബൈല് ഫോണ് നഷ്ടപ്പെട്ടുവെന്നാണ് മൊഴി. കായംകുളം ചേരാവള്ളി സ്വദേശിയാണ് ഇയാള്. ഭീഷണി സന്ദേശത്തിന്റെ അടിസ്ഥാനത്തില് സെക്രട്ടേറിയറ്റ് പരിസരത്തും ക്ലിഫ് ഹൗസിലും സുരക്ഷ ശക്തമാക്കിയിട്ടുണ്ട്.