തിരുവനന്തപുരത്തെ സ്ഥിതി ഗുരുതരം; കൂടുതല് കണ്ടെയ്ന്മെന്റ് സോണുകള് പ്രഖ്യാപിച്ചു
തിരുവനന്തപുരം: കൊറോണ വൈറസ് വ്യാപനത്തിന്റെ പശ്ചാത്തലത്തില് തിരുവനന്തപുരം ജില്ലയില് കൂടുതല് കണ്ടെയ്ന്മെന്റ് സോണുകള് പ്രഖ്യാപിച്ചു. കഠിനംകുളം, ചിറയിന്കീഴ് ഗ്രാമപഞ്ചായത്തുകളിലെ എല്ലാ വാര്ഡുകളെയും കണ്ടെയിന്മെന്റ് സോണില് ഉള്പ്പെടുത്തിയതായി ജില്ലാ കളക്ടര് നവജ്യോത് ഖോസ അറിയിച്ചു.
തിരുവനന്തപുരം കോര്പ്പറേഷന് പരിധിയിലെ പൗഡിക്കോണം, ഞാണ്ടൂര്ക്കോണം, കരകുളം ഗ്രാമപഞ്ചായത്തിലെ പ്ലാത്തറ, മുക്കോല, ഏണിക്കര എന്നീ വാര്ഡുകളെയും കണ്ടെയിന്മെന്റ് സോണില് ഉള്പ്പെടുത്തി. ഈ വാര്ഡുകളോട് ചേര്ന്നുള്ള പ്രദേശങ്ങളിലും പ്രത്യേക ശ്രദ്ധ പുലര്ത്തണം. അടിയന്തര ആവശ്യങ്ങള്ക്കല്ലാതെ ജനങ്ങള് ഈ മേഖലകളില് നിന്ന് പുറത്തുപോകാന് പാടില്ലെന്നും നിര്ദ്ദേശമുണ്ട്.
അതേസമയം, സംസ്ഥാനത്ത് കഴിഞ്ഞ ദിവസം കൊറോണ സ്ഥിരീകരിച്ച 722 പേരില് 339 പേരും തിരുവനന്തപുരം ജില്ലയിലായിരുന്നു. തലസ്ഥാനത്ത് പ്രതിദിനം സമ്പർക്കത്തിലൂടെ രോഗം ബാധിക്കുന്നവരുടെ എണ്ണത്തിലും വന് വര്ധനയാണ് ഉണ്ടാകുന്നത്. കഴിഞ്ഞ ദിവസം 301 പേര്ക്കാണ് സമ്പർക്കത്തിലൂടെ രോഗം ബാധിച്ചത്.