കേന്ദ്ര സര്ക്കാര് 1.70 ലക്ഷം കോടി രൂപയുടെ സാമ്പത്തിക പാക്കേജ് പ്രഖ്യാപിച്ചു
ന്യൂഡല്ഹി: കൊറോണ സൃഷ്ടിക്കുന്ന സാമ്പത്തിക ആഘാതം മറികടക്കാന് കേന്ദ്ര സര്ക്കാര് 1.70 ലക്ഷം കോടി രൂപയുടെ സാമ്പത്തിക പാക്കേജ് പ്രഖ്യാപിച്ചു. പ്രധാനമന്ത്രി ഗരീബ് കല്യാണ് യോജന പ്രകാരമാണ് പാക്കേജ് പ്രഖ്യാപിച്ചത്. ആരും പട്ടിണി കിടക്കേണ്ടി വരരുതെന്ന് ധനമന്ത്രി നിര്മല സീതാരാമന് പാക്കേജ് പ്രഖ്യാപിച്ചുകൊണ്ട് പറഞ്ഞു.
-
1.70 ലക്ഷം കോടി രൂപയുടെ സാമ്പത്തിക പാക്കേജുമായി കേന്ദ്രം
-
പ്രധാനമന്ത്രി ഗരീബ് കല്യാണ് യോജന പ്രകാരമാണ് പാക്കേജ്.ഒരാളും വിശന്നിരിക്കേണ്ടിവരില്ല.
-
ആരോഗ്യപ്രവര്ത്തകര്ക്ക് 50 ലക്ഷത്തിന്റെ ഇന്ഷുറന്സ് പദ്ധതി. മൂന്ന് മാസത്തേക്കാണ് ഇൻഷുറൻസ്.
-
80 കോടി പാവങ്ങള്ക്ക് 5 കിലോ അരി / ഗോതമ്പ് സൗജന്യം. നിലവില് നല്കുന്ന അഞ്ച് കിലോയ്ക്ക് പുറമെയായിരിക്കുമിത്. അടുത്ത മൂന്നു മാസത്തേക്കാകും ഇത് ലഭിക്കുക.
-
ഒരു കിലോ പയര് വര്ഗവും മൂന്നുമാസം സൗജന്യമായി നല്കും.
-
8.69 കോടി കൃഷിക്കാര്ക്ക് പ്രധാന് മന്ത്രി കിസാന് യോജനയുടെ ഭാഗമായുള്ള 2000രൂപ.
-
ചെറുകിട സ്ഥാപനങ്ങളിലെ തൊഴിലാളികളുടെ മൂന്നുമാസത്തെ പിഎഫ് തുക സർക്കാർ അടയ്ക്കും.
-
വൃദ്ധ ജനങ്ങള്,ദിവ്യാംഗര് വിധവകള് എന്നിവര്ക്ക് രണ്ട് ഘട്ടമായി 1000 രൂപ നല്കും.
-
ജന്ധന് അക്കൗണ്ടുള്ള വനിതകള്ക്ക് 500 രൂപ വീതം 3 മാസത്തേക്ക് നല്കും.
-
ഉജ്ജ്വല യോജനയില് വരുന്ന 8 കോടി ബിപിഎല് കുടുംബങ്ങള്ക്ക് അടുത്ത മൂന്ന് മാസത്തേക്ക് പാചക വാതകം സൗജന്യമായി നല്കും.
-
വനിതാ സ്വയം സഹായ സംഘങ്ങള്ക്ക് ദീന ദയാല് റൂറല് മിഷന്റെ ഭാഗമായി 10 ലക്ഷം രൂപ വരെ ഈടില്ലാതെ നല്കിയിരുന്നത് 20 ലക്ഷമായി ഉയര്ത്തി.