കൊവിഡില് കേന്ദ്രസര്ക്കാരിന് ഒന്നും ചെയ്യാനായില്ല; ഉപദേശക സമിതിയില്നിന്ന് രാജിവച്ച് ഡോ.ഷാഹിദ് ജമീല്
ന്യൂഡല്ഹി: കൊവിഡ് വ്യാപനത്തെക്കകുറിച്ചു പഠിക്കാന് കേന്ദ്ര സര്ക്കാര് നിയോഗിച്ച വിദഗ്ധരടങ്ങുന്ന ഉപദേശക സമിതിയില്(ഇന്സോകോഗ്)നിന്ന് മുതിര്ന്ന വൈറോളജിസ്റ്റും സമിതി അധ്യക്ഷനുമായ ഡോ.ഷാഹിദ് ജമീല് രാജിവച്ചു. മഹാമാരി കൈകാര്യം ചെയ്യുന്നതില് കേന്ദ്രം പരാജയപ്പെട്ടെന്നു ചൂണ്ടിക്കാട്ടിയാണ് രാജി.
ഇക്കാര്യത്തില് താനെടുത്ത തീരുമാനം പൂര്ണമായും ശരിയാണെന്നും കൂടുതലൊന്നും പറയാനില്ലെന്നും രാജിയുടെ കാരണങ്ങള് ആരെയെങ്കിലും ബോധ്യപ്പെടുത്തേണ്ട ബാധ്യതയില്ലെന്നും അദ്ദേഹം മാധ്യമങ്ങളോട് പറഞ്ഞു. ഇന്ത്യയിലെ കൊവിഡ് രണ്ടാം തരംഗവുമായി ബന്ധപ്പെട്ട് ഈയിടെ ന്യൂയോര്ക്ക് ടൈംസില് ഷാഹിദ് എഴുതിയ ലേഖനത്തില് കൊവിഡ് കൈകാര്യം ചെയ്യുന്നതില് കേന്ദ്ര സര്ക്കാരിനു വീഴ്ചപറ്റിയതായി ചൂണ്ടിക്കാട്ടിയിരുന്നു.
ഇന്ത്യയിലെ ശാസ്ത്രജ്ഞര്ക്ക് ശാസ്ത്രീയ അടിത്തറയിലൂന്നിയ നയങ്ങള് രൂപീകരിച്ച് നടപ്പാക്കുന്നതിന് വെല്ലുവിളികളുണ്ട്. കൊവിഡ് വ്യാപിപ്പിക്കുമ്ബോഴും പരിശോധനകള് കുറവാണ്. രാജ്യം വാക്സിന് ക്ഷാമവും നേരിടുന്നു. കൂടാതെ വാക്സിനേഷനു വേഗതക്കുറവുണ്ടെന്നുമുള്പ്പെടെയുള്ള വിമര്ശനവും അദ്ദേഹം ഉന്നയിച്ചിരുന്നു. രാജി വിഷയത്തില് 'ഇന്സാകോഗ്' സെക്രട്ടറി രേണു സ്വരൂപിന്റെ വിശദീകരണം തേടിയെങ്കിലും പ്രതികരിക്കാന് തയാറായില്ല.