എസ് എന് സി ലാവലിന് കേസ് പരിഗണിക്കുന്നത് സുപ്രീം കോടതി രണ്ട് ആഴ്ചത്തേക്ക് മാറ്റി
ഡല്ഹി: എസ് എന് സി ലാവലിന് കേസ് പരിഗണിക്കുന്നത് സുപ്രീം കോടതി രണ്ട് ആഴ്ചത്തേക്ക് മാറ്റി.ഇനി കേസ് മാറ്റാന് അനുവദിക്കരുതെന്ന് വി എം സുധീരന്റെ അഭിഭാഷകന് കോടതിയോട് ആവശ്യപ്പെട്ടു.
ഇനി ലാവ്ലിന് ഹര്ജികള് മാറ്റാന് അഭിഭാഷകര് ആവശ്യപ്പെടരുതെന്ന് ജസ്റ്റിസ് ലളിത് നിര്ദേശിച്ചു. കേസ് പരിഗണിക്കുന്നത് മാറ്റിവയ്ക്കണമെന്ന് ആവശ്യപ്പെട്ട് സുപ്രീം കോടതിയില് കത്ത് ലഭിച്ചിരുന്നു.
കോടതിയില് കൂടുതല് രേഖകള് ഹാജരാക്കാന് സമയം തേടി ഊര്ജ്ജ വകുപ്പ് മുന് ജോയിന്റ് സെക്രട്ടറി എ.ഫ്രാന്സിസിന്റെ അഭിഭാഷകന് പ്രകാശ് രഞ്ചന് നായക് ആണ് കത്ത് നല്കിയത്.
അധിക രേഖകള് സമര്പ്പിക്കാന് സമയം വേണമെന്ന് കത്തില് ആവശ്യപ്പെട്ടിരിക്കുന്നു. കേസില് മുഖ്യമന്ത്രി പിണറായി വിജയനൊപ്പം പ്രതിപ്പട്ടികയില് നിന്ന് ഒഴിവാക്കപ്പെട്ടയാളാണ് എ.ഫ്രാന്സിസ്.