തമിഴ്‌നാട്ടില്‍ പൗരത്വ നിയമം നടപ്പാക്കില്ലെന്ന് സ്റ്റാലിന്‍
ചെന്നൈ: അധികാരത്തിലെത്തിയാല്‍ പൗരത്വ ഭേദഗതി നിയമവും (സിഎഎ) കാര്‍ഷിക നിയമവും തമിഴ്‌നാട്ടില്‍ നടപ്പാക്കില്ലെന്ന് ഡിഎംകെ അധ്യക്ഷന്‍ സ്റ്റാലിന്‍. ഇത് തന്റെ വാഗ്ദാനമാണ് എന്നും ജോലാര്‍പേട്ടിലെ തെരഞ്ഞെടുപ്പ് പ്രചാരണത്തിനിടെ സ്റ്റാലിന്‍ പറഞ്ഞു. സിഎഎ നടപ്പാക്കില്ലെന്ന എഐഎഡിഎംകെ വാഗ്ദാനം തെരഞ്ഞെടുപ്പ് നാടകമാണ് എന്നും അദ്ദേഹം ആരോപിച്ചു.
'എഐഎഡിഎംകെ, പിഎംകെ അംഗങ്ങള്‍ പാര്‍ലമെന്റില്‍ വോട്ടു ചെയ്തിരുന്നെങ്കില്‍ സിഎഎ പാസാകുമായിരുന്നില്ല. എടപ്പാടി പളനിസാമിയും എസ് രാംദോസുമാണ് അതിന് വ്യക്തിപരമായ ഉത്തരവാദികള്‍. സിഎഎ പിന്‍വലിക്കണമെന്ന് ആവശ്യപ്പെട്ട് ഡിഎംകെ നിരവധി പ്രക്ഷോഭങ്ങള്‍ നടത്തിയിട്ടുണ്ട്' - സ്റ്റാലിന്‍ പറഞ്ഞു.
കാര്‍ഷിക നിയമങ്ങള്‍ പാസായതിന് പിന്നിലും എഐഎഡിഎംകെയും പിഎംകെയുടെയും വഞ്ചനാപരമായ നിലപാടുകളാണ് എന്ന് അദ്ദേഹം ആരോപിച്ചു. കാര്‍ഷിക നിയമങ്ങള്‍ക്കെതിരെ നിയമസഭയില്‍ പ്രമേയം കൊണ്ടുവരുമെന്നും സ്റ്റാലിന്‍ വാഗ്ദാനം ചെയ്തു.
Related News
സ്ത്രീകളെ ക്ഷേത്രങ്ങളില് പൂജാരിമാരായി നിയമിക്കുമെന്ന് തമിഴ്നാട് സര്‍ക്കാര്‍
അമിത് ഷായെ അറസ്റ്റ് ചെയ്ത പി കന്ദസ്വാമി തമിഴ്നാട് ഡി ജി പി; സ്റ്റാലിന്റെ നിര്ണ്ണായക തീരുമാനം
എം കെ സ്റ്റാലിന്‍ തമിഴ്നാട്ടിലെ പുതിയ മുഖ്യമന്ത്രിയായി വെള്ളിയാഴ്ച സത്യപ്രതിജ്ഞ ചെയ്യും