കരസേനയില്‍ ശിപായ് ഫാര്‍മ; ഓണ്‍ലൈനായി അപേക്ഷിക്കാം
ആര്‍മി മെഡിക്കല്‍ കോര്‍പ്‌സിലെ ശിപായ് ഡിഫാര്‍മ തസ്തികയിലേക്കുള്ള റിക്രൂട്ട്‌മെന്റ് റാലിക്ക് അപേക്ഷ ക്ഷണിച്ചു. താല്‍പര്യമുള്ളവര്‍ www.joinindianarmy.nic.in വഴി മാര്‍ച്ച് 13നു മുമ്പ് ഓണ്‍ലൈനായി രജിസ്റ്റര്‍ ചെയ്യണം. പുരുഷ ഉദ്യോഗാര്‍ഥികള്‍ക്കു മാത്രമുള്ള റിക്രൂട്ട്‌മെന്റ് റാലി മാര്‍ച്ച് 31നു മുമ്പ് കര്‍ണാടകയിലെ ഉഡുപ്പിയിലാണ് നടക്കുക. തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലും മാഹി, ലക്ഷദ്വീപ് പ്രദേശങ്ങളിലുമുള്ളവര്‍ക്കുള്ള റാലിയാണ് ഉഡുപ്പിയില്‍ നടക്കുക. ഓണ്‍ലൈനായി രജിസ്റ്റര്‍ ചെയ്യുമ്പോള്‍ നല്‍കിയ ഇമെയിലിലേക്ക് റാലി നടക്കുന്നതിന് ഏഴു ദിവസം മുമ്പ് അഡ്മിറ്റ് കാര്‍ഡ് അയക്കും. അഡ്മിറ്റ് കാര്‍ഡില്‍ പറഞ്ഞ സമയത്തും സ്ഥലത്തുമാണ് ഉദ്യോഗാര്‍ഥികള്‍ എത്തേണ്ടത്.
.jpeg)
യോഗ്യത- പൊക്കം 165 സെ.മീ. നെഞ്ചളവ് 77/82 സെ.മീ. പ്ലസ്ടു പാസ്, 55 ശതമാനം മാര്‍ക്കോടെ ഡിഫാര്‍മ പാസായിരിക്കണം. ഫാര്‍മസി കൗണ്‍സില്‍ രജിസ്‌ട്രേഷന്‍ നേടിയിരിക്കണം. 50 ശതമാനം മാര്‍ക്കോടെ ബിഫാര്‍മ പാസായി ഫാര്‍മസി കൗണ്‍സില്‍ രജിസ്‌ട്രേഷന്‍ നേടിയവര്‍ക്കും അപേക്ഷിക്കാം. 1995 ഒക്ടോബര്‍ ഒന്നിനും 2001 സപ്തംബര്‍ 30നും ഇടയില്‍ ജനിച്ചവരായിരിക്കണം (രണ്ട് തീയതികളും ഉള്‍പ്പെടെ). കായികക്ഷമതാ പരിശോധനയുടെയും എഴുത്തുപരീക്ഷയുടെയും അടിസ്ഥാനത്തിലായിരിക്കും നിയമനം. കൂടുതല്‍ വിവരങ്ങള്‍ www.joinindianarmy.nic.inയിലും 0802951276 എന്ന നമ്പറിലും ലഭിക്കും.
Related News
45 മണിക്കൂർ മനോധൈര്യം കൈവിടാതെ ബാബു; മലയില് കുടുങ്ങിയത് ഇങ്ങനെ
മലമ്പുഴ രക്ഷാദൗത്യം - മുഖ്യമന്ത്രി പിണറായി വിജയന്റെ പ്രതികരണം
ബാബുവിന്റെ കൈപിടിച്ച് സൈന്യം; ബിഗ് സല്യൂട്ട്
കാഷ്മീരില് ഏറ്റുമുട്ടല്; മൂന്നു ഭീകരരെ വധിച്ചതായി റിപ്പോര്ട്ടുകള്