സാമൂഹിക അകലത്തിന് നൂതന ആശയവുമായി റിക്ഷ ഡ്രൈവര്; ഡിസൈനറെ തേടി ആനന്ദ് മഹീന്ദ്ര
സാമൂഹിക അകലത്തിന് നൂതന ആശയവുമായി റിക്ഷ ഡ്രൈവർ. കൊവിഡ്-19 വ്യാപനം തടയുന്നതിന് സാമൂഹിക അകലം പാലിക്കുന്നത് വളരെ അനിവാര്യമായ കാര്യമാണ് അതിനാൽ ഇത് ഉറപ്പാക്കുന്നതിന് ഡ്രൈവർ തന്റെ റിക്ഷ കംപാർട്ട്മെന്റുകളായി തിരിച്ചിരിക്കുകയാണ്. തന്റെ റിക്ഷയുടെ പാസഞ്ചർ ക്യാബിനെ നാല് കംപാർട്മെന്റുകളായി തിരിച്ചാണ് ഈ പരീക്ഷണം.
ഈ ഐഡിയ മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്രയുടെയും ശ്രദ്ധ പിടിച്ചുപറ്റി. കമ്പനിയുടെ R&D വകുപ്പിന്റെ ഉപദേഷ്ടാവായി ഇ-റിക്ഷ ഡ്രൈവറെ നിയമിക്കാൻ ആവശ്യപ്പെട്ട് മഹീന്ദ്ര & മഹീന്ദ്ര ലിമിറ്റഡിന്റെ ഓട്ടോ, ഫാം സെക്ടറുകളുടെ എക്സിക്യൂട്ടീവ് ഡയറക്ടർ രാജേഷ് ജെജൂരിക്കറിനേയും അദ്ദേഹം ഈ ട്വീറ്റിൽ ടാഗ് ചെയ്തു.