സോളാര് കേസിന് പിന്നില് ഗണേഷ് കുമാറെന്ന് വെളിപ്പെടുത്തല്
കൊല്ലം: സോളാര് കേസിലെ മുഖ്യപ്രതി കെ.ബി.ഗണേഷ് കുമാര് എംഎല്എയാണെന്ന വെളിപ്പെടുത്തലുമായി ബന്ധുവും കേരള കോണ്ഗ്രസ് (ബി) മുന് സംസ്ഥാന നേതാവുമായ ശരണ്യ മനോജ്. സോളാര് വിഷയം വഴിതിരിച്ചുവിടുകയും സരിതയെ കൊണ്ട് യുഡിഎഫ് മന്ത്രിമാര്ക്കെതിരെ ആരോപണം ഉന്നയിക്കുകയും എഴുതിക്കുകയും ചെയ്തിനു പിന്നില് ഗണേഷും പിഎയുമാണെന്നും ശരണ്യ മനോജ് വെളിപ്പെടുത്തി.
കൊല്ലം തലവൂരിലെ യുഡിഎഫ് തെരഞ്ഞെടുപ്പ് പ്രചാരണ യോഗത്തിലാണ് ശരണ്യ മനോജിന്റെ വെളിപ്പെടുത്തല്. കേസില് ആദ്യം ആരോപണം ഉയര്ന്നപ്പോള് താനാണ് മുഖ്യപ്രതിയെന്ന് തിരിച്ചറിഞ്ഞ ഗണേഷ് പിന്നീടു കാര്യങ്ങള് വഴിതിരിച്ചുവിട്ടു. രക്ഷിക്കണമെന്നു പറഞ്ഞതിനാല് താനും അന്ന് ഇടപെട്ടുവെന്നും അതിനാലാണ് ഇക്കാര്യങ്ങള് തുറന്നു പറയുന്നതെന്നും ശരണ്യ മനോജ് പറഞ്ഞു.
സരിത നിരന്തരം മൊഴിമാറ്റിയതിനു പിന്നില് ഗണേഷും പി.എ. പ്രദീപ് കോട്ടാത്തലയുമാണ്. ദൈവം പോലും ഒരിക്കലും പൊറുക്കാത്ത കാര്യങ്ങള് പിന്നീട് പരാതിക്കാരിയെക്കൊണ്ട് ഗണേഷ് കുമാര് പറയിപ്പിക്കുകയും എഴുതിക്കുകയും ചെയ്തു. ഉമ്മന്ചാണ്ടിക്ക് ഈ രഹസ്യങ്ങളെല്ലാം അറിയാം.
ഉമ്മന് ചാണ്ടിയെ ഡിവൈഎഫ്ഐകാര് കല്ലെറിഞ്ഞിട്ടും അദ്ദേഹം അത് പുറത്ത് പറയാന് തയാറായില്ല. ഇതിന്റെ എല്ലാം പിന്നില് പ്രവര്ത്തിച്ചത് ഗണേഷ് കുമാറാണെന്നും ശരണ്യ മനോജ് പറയുന്നു.