റായ്ബറേലി എംഎല്‍എ ബിജെപിയില്‍ ചേർന്നേക്കും; നെഹ്‌റു കുടുംബത്തിന്റെ കുത്തക മണ്ഡലത്തിലും വിള്ളല്‍
റായ്ബറേലി: നെഹ്‌റു കുടുംബത്തിന്റെ കുത്തക ലോകസഭാ മണ്ഡലത്തിലെ എംഎല്‍എ കോണ്‍ഗ്രസ് പാര്‍ട്ടി വിടാന്‍ തയാറെടുക്കുന്നു. സോണിയ ഗാന്ധി പ്രതിനിധീകരിക്കുന്ന റായ്ബറേലി മണ്ഡലത്തിലെ എംഎല്‍എയായ അതിഥി സിങ്ങാണ് കോണ്‍ഗ്രസ് ബന്ധം ഉപേക്ഷിക്കാന്‍ തയാറെടുക്കുന്നത്. ഇതിന്റെ ഭാഗമായി ട്വിറ്റര്‍ പ്രൊഫൈലില്‍ നിന്നും അതിഥി ഇന്ത്യന്‍ നാഷണല്‍ കോണ്‍ഗ്രസ് എന്ന പേര് നീക്കം ചെയ്തു. കോണ്‍ഗ്രസിന്റെ എല്ലാ വേദികളില്‍ നിന്നും അവര്‍ വിട്ടു നില്‍ക്കുകയുമാണ്. നേരത്തെ ബിജെപി നേതാവ് ജ്യോതിരാദിത്യ സിന്ധ്യയും കോണ്‍ഗ്രസ് വിടുന്നതിനു മുന്‍പായി ട്വിറ്ററില്‍ നിന്നും പാര്‍ട്ടിയുടെ പേര് നീക്കം ചെയ്തിരുന്നു.
റായ്ബറേലിയില്‍ നിന്നുള്ള എംഎല്‍എയായ അതിഥിയുടെ ട്വിറ്റര്‍ പ്രൊഫൈലില്‍ പാര്‍ട്ടിയുടെ പേര് ഒഴികെയുള്ള ബാക്കി വിരങ്ങള്‍ മാത്രമാണ് ഇപ്പോള്‍ ഉള്ളത്. അടുത്തിടെ വിവിധ ഭാഷാ തൊഴിലാളികള്‍ക്കായി ബസ്സുകള്‍ ഏര്‍പ്പാടാക്കാമെന്ന കോണ്‍ഗ്രസ് പ്രഖ്യാപനത്തെ വിമര്‍ശിച്ചുകൊണ്ട് അതിഥി രംഗത്ത് വന്നിരുന്നു. ഇതിന് പിന്നാലെയാണ് ട്വിറ്ററില്‍ നിന്നും പാര്‍ട്ടിയുടെ പേര് നീക്കം ചെയ്തത്. കഴിഞ്ഞ വര്‍ഷം സെപ്റ്റംബറിലാണ് അതിഥി റായ്ബറേലില്‍ നിന്നും എംഎല്‍എയായി തെരഞ്ഞെടുക്കപ്പെട്ടത്.
യോഗി ആദിത്യനാഥിന്റെ പ്രവര്‍ത്തനങ്ങളെ പ്രശംസിച്ചതും അതിഥിക്കെതിരായ വിമര്‍ശനങ്ങള്‍ക്ക് കാരണമായിരുന്നു.യു.പി സര്‍ക്കാര്‍ പ്രത്യേക നിയസഭാ സമ്മേളനം വിളിച്ച്‌ ചേര്‍ത്ത് നടത്തിയ ഗാന്ധി ജന്മദിന പരിപാടിയിലാണ് അദിതി പങ്കെടുത്തത് കോണ്‍ഗ്രസ് വിവാദമാക്കിയിരുന്നു. കോണ്‍ഗ്രസ്, സമാജ്വാദി പാര്‍ട്ടി, ബിഎസ്പി തുടങ്ങിയ പ്രധാന പ്രതിപക്ഷ പാര്‍ട്ടികള്‍ പരിപാടി ബഹിഷ്‌കരിക്കാന്‍ തീരുമാനിച്ചിരുന്നു. എന്നാല്‍, കോണ്‍ഗ്രസ് നിര്‍ദേശം അദിതി തള്ളുകയായിരുന്നു. ഇതിനു പിന്നാലെ തനിക്ക് സുരക്ഷ വര്‍ധിപ്പിക്കണമെന്ന് അദിതി സര്‍ക്കാരിനോട് അഭ്യര്‍ഥിച്ചിരുന്നു. അപേക്ഷ പരിഗണിച്ച യോഗി ആദിത്യനാഥ് സര്‍ക്കാര്‍ അതിദിക്കു വൈ പ്ലസ് സുരക്ഷ അനുവദിക്കുകയും ചെയ്തു.
അതേ സമയം എനിക്ക് ശരിയെന്ന് തോന്നുന്ന കാര്യങ്ങള്‍ ഞാന്‍ ചെയ്തുവെന്നും അതിഥി സിങ് പറഞ്ഞു.ജമ്മുകശ്മിരിന് പ്രത്യേക പദവി നല്‍കുന്ന 370ാം അനുച്ഛേദം എടുത്ത് കളഞ്ഞ കേന്ദ്ര സര്‍ക്കാര്‍ നടപടിയേയും അവര്‍ നേരത്തെ പിന്തുണച്ചിരുന്നു. 2017ല്‍ നടന്ന നിയമസഭാ തെരഞ്ഞെടുപ്പില്‍ 90,000ത്തോളം വോട്ടുകള്‍ക്കാണ് അദിതി ജയിച്ചത്. യു.പി നിയമസഭയിലെ ഏറ്റവും പ്രായം കുറഞ്ഞ എം.എല്‍.എമാരില്‍ ഒരാളാണ് 31കാരിയായ അതിഥി നെഹ്‌റു കുടുംബത്തോടെ ഏറ്റവും അടുപ്പമുള്ള എം.എല്‍.എയായിരുന്നു അതിഥി സിങ്. എന്നാല്‍, പ്രിയങ്ക വദ്ര യുപിയുടെ ചുമതല ഏറ്റെടുത്തതോടെ ഇവര്‍ നേതൃത്വവുമായി ഇടയുകയായിരുന്നു.
Related News
പെട്രോൾ വില വർദ്ധനവിനെക്കുറിച്ച് കെ.സുരേന്ദ്രന്റെ പ്രതികരണം
കൊടകര കുഴൽപ്പണ കവർച്ചാകേസിൽ കണ്ണൂരില് നിന്ന് ഏഴര ലക്ഷം രൂപ കൂടി കണ്ടെടുത്തു
‘നല്ല കാര്യങ്ങൾ ആര് ചെയ്താലും അംഗീകരിക്കും’; കേരളീയത്തിൽ പങ്കെടുത്ത് ബിജെപി നേതാവ് ഒ.രാജഗോപാൽ
കെ സുരേന്ദ്രനെതിരെ കേസെടുത്തു
