വ്യാപക സ്വകാര്യവത്കരണത്തിന് പ്രധാനമന്ത്രിയുടെ ആഹ്വാനം
ന്യൂഡല്ഹി: രാജ്യത്ത് വ്യാപക സ്വകാര്യവത്കരണത്തിന് പ്രധാനമന്ത്രിയുടെ ആഹ്വാനം. സ്വകാര്യവത്കരണത്തിലൂടെ ലഭിക്കുന്ന പണം പൊതു ആവശ്യങ്ങള്ക്ക് ഉപയോഗിക്കുമെന്ന് പ്രധാനമന്ത്രി നരേന്ദ്ര മോദി.
'വാണിജ്യ വ്യവസായ സ്ഥാപനങ്ങള് നടത്തുക സര്ക്കാര് ജോലി അല്ല. സര്ക്കാരിന്റെ ഉത്തരവാദിത്തം ക്ഷേമ പദ്ധതികള് നടപ്പാക്കുക എന്നതാണ്. നഷ്ടത്തില് പ്രവര്ത്തിക്കുന്ന വിവിധങ്ങളായ പൊതുമേഖലാ സ്ഥാപനങ്ങളുണ്ട് രാജ്യത്ത്. അവയെല്ലാം പ്രവര്ത്തിക്കുന്നത് പൊതുജനത്തിന്റെ നികുതി പണം കൊണ്ടാണ്. ഇവ നടത്തികൊണ്ടുപോകല് വലിയ ബാധ്യതയാണ് വരുത്തിവെക്കുന്നതെന്നും പ്രധാനമന്ത്രി വ്യക്തമാക്കി '
നാല് പ്രധാനമേഖലകള് ഒഴികെ മുഴുവന് പൊതുമേഖലാ സ്ഥാപനങ്ങളും സ്വകാര്യവത്കരിക്കുകയാണ് സര്ക്കാറിന്റെ നയമെന്നും പ്രധാനമന്ത്രി പറഞ്ഞു.