പ്ലസ്ടു, വിഎച്ച്എസ്ഇ പരീക്ഷാഫലം ബുധനാഴ്ച പ്രസിദ്ധീകരിക്കും
തിരുവനന്തപുരം: സംസ്ഥാനത്തെ ഈ വര്ഷത്തെ ഹയര് സെക്കന്ഡറി, വൊക്കേഷണല് ഹയര്സെക്കന്ഡറി പരീക്ഷാഫലം ബുധനാഴ്ച പ്രസിദ്ധീകരിക്കും. പ്രഖ്യാപനത്തിനുള്ള നടപടിക്രമങ്ങള് പൂര്ത്തിയായി. ഉച്ചയ്ക്ക് 2ന് വിദ്യാഭ്യാസ മന്ത്രി പ്രഫ.സി രവീന്ദ്രരനാഥ് ഫലപ്രഖ്യാപനം നടത്തും.
ഇന്ഫര്മേഷന് പബ്ളിക് റിലേഷന്സ് വകുപ്പിന്റെ ഔദ്യോഗിക മൊബൈല് ആപ്പായ പിആര്ഡി ലൈവില് ലഭിക്കും. ബുധനാഴ്ച ഉച്ചയ്ക്ക് ഔദ്യോഗികമായി ഫലപ്രഖ്യാപനം നടന്നാലുടന് ഫലം പിആര്ഡി ലൈവില് ലഭ്യമാകും. ഹോം പേജിലെ ലിങ്കില് രജിസ്റ്റര് നമ്ബര് നല്കിയാല് വിശദമായ ഫലം അറിയാം. ഗൂഗിള് പ്ലേ സ്റ്റോറിലും ആപ്പ് സ്റ്റോറിലും നിന്ന് പിആര്ഡി ലൈവ് ( PRD LIVE) ഡൗണ്ലോഡ് ചെയ്യാം.
ക്ലൗഡ് സംവിധാനത്തിലൂടെ പോസ്റ്റ് ചെയ്തിരിക്കുന്ന ആപ്പില് തിരക്കുകൂടുന്നതിന് അനുസരിച്ച് ബാന്ഡ് വിഡ്ത്ത് വികസിക്കുന്ന ഓട്ടോ സ്കെയിലിങ് സംവിധാനമാണ് ഉപയോഗിച്ചിരിക്കുന്നത്. അതുകൊണ്ടു തന്നെ ഫലം തടസമില്ലാതെ വേഗത്തില് ലഭ്യമാകും.
ഔദ്യോഗിക ഫലപ്രഖ്യാപനത്തിനു ശേഷം താഴെ പറയുന്ന വെബ്സൈറ്റുകളിലും മൊബൈല് ആപ്ലിക്കേഷനുകളിലും ഫലം ലഭ്യമാകും.
Web sites:-
https://results.kite.kerala.gov.in
Mobile Apps:-
PRD Live : http://is.gd/UrZuMv
Saphalam 2020 : is.gd/sTmVLx
iExaMS : is.gd/qW9t1g