ധനുഷിന്‍റെ നായികയാകാന്‍ മാളവിക മോഹനന്‍
ധനുഷിനെ നായകനാക്കി കാര്‍ത്തിക് നരേന്റെ സംവിധാനത്തില്‍ ഒരുങ്ങുന്ന തമിഴ് ചിത്രത്തില്‍ നായികയാകുന്നത് മാളവിക മോഹനന്‍. ധനുഷിന്‍റെ കരിയറിലെ 43-ാം ചിത്രത്തിന്‍റെ ഒരു പ്രധാന അപ്‍ഡേറ്റ് ഇന്ന് വൈകിട്ട് ഉണ്ടാവുമെന്ന് നിര്‍മ്മാതാക്കളായ സത്യജ്യോതി ഫിലിംസ് നേരത്തെ അറിയിക്കുകയുണ്ടായിരുന്നു. അതനുസരിച്ച്‌ വൈകിട്ടാണ് മാളവിക നായികയാവുന്ന കാര്യം അറിയിച്ചത്. ഒരു ത്രില്ലര്‍ ചിത്രമായിരിക്കും ഇതെന്നാണ് പറയപ്പെടുന്നത്. ധനുഷ് ഒരു മാധ്യമപ്രവര്‍ത്തകനായി എത്തുമെന്നും സൂചനയുണ്ട്. സംവിധായകന്‍ തന്നെ രചനയും നിര്‍വ്വഹിക്കുന്ന ചിത്രത്തിന് സംഗീതം പകരുന്നത് ജി വി പ്രകാശ് കുമാര്‍ ആണ്. സെന്തില്‍ ത്യാഗരാജനും അര്‍ജുന്‍ ത്യാഗരാജനും ചേര്‍ന്നാണ് നിര്‍മ്മാണം നിര്‍വഹിക്കുന്നത് .
കാര്‍ത്തിക് സുബ്ബരാജിന്‍റെ രജനി ചിത്രം ‘പേട്ട’യിലൂടെയാണ് തമിഴില്‍ മാളവിക മോഹനന്‍ എത്തിയത്. ഇപ്പോള്‍ പുറത്തിറങ്ങാനിരിക്കുന്ന വിജയ് ചിത്രം ‘മാസ്റ്ററി’ലെ നായികയുമാണ് താരം. അതേസമയം ‘ധ്രുവങ്ങള്‍ പതിനാറ്’ എന്ന അരങ്ങേറ്റചിത്രത്തിലൂടെത്തന്നെ പ്രേക്ഷകശ്രദ്ധ നേടിയ കാര്‍ത്തിക് നരേന്‍റേതായി രണ്ട് ചിത്രങ്ങള്‍ പുറത്തുവരാനിരിക്കുകയാണ് . അരുണ്‍ വിജയ് നായകനാവുന്ന ‘മാഫിയ: ചാപ്റ്റര്‍ 1’, അരവിന്ദ് സ്വാമി നായകനാവുന്ന ‘നരകശൂരന്‍’ തുടങ്ങിയവയാണ് പ്രസ്തുത ചിത്രങ്ങള്‍. നെറ്റ്ഫ്ളിക്സ് അടുത്തിടെ പ്രഖ്യാപിച്ച ആന്തോളജി ചിത്രം ‘നവരസ’യിലും കാര്‍ത്തിക് നരേന്‍ ഒരു ലഘു ചിത്രം നിര്‍മ്മിക്കുന്നുണ്ട്.
Related News
ആശിര്വാദ് റിലീസിന്റെ ആദ്യ സിനിമ 'കര്ണന്'; ധനുഷ് ചിത്രം കേരളത്തില് എത്തിക്കുന്നത് മോഹന്ലാലും ആന്റണി പെരുമ്ബാവൂരും ചേര്ന്ന്
ലോക്ക് ഡൗണിനിടെ പുതിയ പരീക്ഷണവുമായി നടി മാളവിക മോഹനന്‍
അസുരന് ശേഷം ശക്തമായ കഥാപാത്രത്തിൽ ധനുഷിൻറെ പുതിയ ചിത്രം 'കർണ്ണൻ'